ايۋ تالاعان سولتۇستىك قازاقستان تۇرعىنى قولىنان ايىرىلدى
س ق و پوليتسيا دەپارتامەنتى باسپا ءسوز قىزمەتىنىڭ مالىمەتىنشە، وقىس وقيعا 30- ماۋسىم كۇنى قىزىلجار اۋدانى «اباكشينو» دەمالىس ايماعى اۋماعىنداعى حايۋاناتتار باعىندا بولعان. اۋداندىق پوليتسيا بولىمىنە ەر ادامعا ايۋدىڭ شابۋىل جاساعانى تۋرالى حابارلاما تۇسكەن.
جەدەل جاردەم بريگاداسى زارداپ شەگۋشىگە مەديتسينالىق كومەك كورسەتتى، سودان كەيىن ول اۋرۋحاناعا جاتقىزىلدى. كوپ قان جوعالتقان ەر ادامنىڭ ءبىر قولىن امپۋتاتسيالاۋعا تۋرا كەلدى، دارىگەرلەر قازىرگى ۋاقىتتا ەكىنشى قولىن امان ساقتاپ قالۋ ءۇشىن كۇرەسىپ جاتىر.
«جەدەل-تەرگەۋ توبىنىڭ قىزمەتكەرلەرى وقيعانىڭ ءمان- جايىن انىقتادى. زارداپ شەككەن 43 جاستاعى ەر ادام 6- ماۋسىمدا وسى دەمالىس ايماعىنا سىناق مەرزىمىنە جۇمىسقا قابىلدانعان. ونىڭ مىندەتىنە اۋماقتى جيناۋ جانە جانۋارلاردى ازىقتاندىرۋ كىرگەن. اتالعان فاكت قر قىلمىستىق كودەكسىنىڭ 156-بابىنىڭ 2-بولىگى بويىنشا سوتقا دەيىنگى تەرگەپ- تەكسەرۋلەردىڭ ءبىرىڭعاي تىزىلىمىندە تىركەلدى»، - دەلىنگەن باسپا ءسوز حابارلاماسىندا.
قازىرگى ۋاقىتتا ءىستىڭ بارلىق ءمان-جايلارىن زەرتتەۋگە باعىتتالعان تەرگەۋ ارەكەتتەرى جۇرگىزىلىپ جاتىر، ولاردىڭ ناتيجەسى بويىنشا تۇپكىلىكتى پروتسەستىك شەشىم قابىلدانادى.
