استانا ماڭىنان ەكىنشى اۋەجاي سالىنۋى مۇمكىن
استانا قالاسى ساۋلەت جانە قالا قۇرىلىسى، جەر قاتىناستارى باسقارماسى باسشىسىنىڭ ورىنباسارى ايان سماعۇلوۆ رەداكسياعا جولداعان جاۋابىندا وسى نىسان تۋرالى تۇسىنىكتەمە بەردى، دەپ حابارلايدى قازاقپارات ءتىلشىسى.
«جاڭا اۋەجايدى جوسپارلاۋعا قاتىستى ايتساق، پەرسپەكتيۆادا ىقتيمال ورنالاستىرۋ ءۇشىن اۋماقتى رەزەرۆتەۋ تۋرالى شەشىم قابىلدانعان. بۇل شەشىم «استانا قالاسىن جوسپارلاۋ جانە سالۋ» نورماتيۆتىك تالاپتارىنا سايكەس كەلەدى. قولدا بار حالىقارالىق اۋەجايدى جانە ونى ودان ءارى دامىتۋ جوسپارلارىن ەسكەرە وتىرىپ، مۇنداي شەشىم بولاشاقتا تەحنيكالىق- ەكونوميكالىق نەگىزدەمەنى ءبىرجاقتى ورىنداۋدى تالاپ ەتەدى»، - دەلىنگەن جاۋاپتا.
باسقارمانىڭ دەرەگىنشە، ازىرگە ەكىنشى اۋەجايدىڭ اۋماعى، قۇرىلىستىڭ قانداي كوزدەن قارجىلاندىرىلاتىنى تۋرالى مالىمەت جوق.
«باس جوسپاردا جاڭا اۋەجاي ءۇشىن اۋماقتى رەزەرۆتەۋ قاجەتتىلىگى عانا بەلگىلەنگەن. ال وبەكتىنىڭ كورسەتكىشتەرى، قارجىلاندىرۋ كوزدەرى جانە ت. ب. مۇنداي قاجەتتىلىكتىڭ بولماۋىنا بايلانىستى بەلگىلەنبەگەن»، - دەپ جازادى ايان سماعۇلوۆ.
