ۇ ب ت- دا تالاپكەردىڭ كومپيۋتەرىنە قاشىقتان قوسىلىپ، جوعارى بالل الۋعا كومەكتەسكەن كۇدىكتىلەر ۇستالدى
ۇلتتىق قاۋىپسىزدىك كوميتەتىنىڭ قىزىلوردا جانە شىعىس قازاقستان وبلىستارى بويىنشا دەپارتامەنتتەرى پروكۋراتۋرا ورگاندارىمەن ءوزارا ءىس- قيمىل جاساي وتىرىپ، وڭىرلەردە ۇلتتىق ءبىرىڭعاي تەستىلەۋدى (ۇ ب ت) جانە پەداگوگتەردىڭ ءبىلىمىن باعالاۋدى (پ ب ب) جۇرگىزۋگە جاۋاپتى ۇيىمنىڭ جەكە قىزمەتكەرلەرىنىڭ تەستىلەۋ پروتسەسىنە زاڭسىز ارالاسۋ ارەكەتىن تىيدى.
سەرۆەرلىك جابدىققا جانە باسقا دا اقپاراتتىق رەسۋرستارعا قول جەتىمدىكتەرىن پايدالانىپ، كۇدىكتىلەر ارنايى باعدارلامالاردى قولدانۋ ارقىلى تالاپكەرلەر مەن پەداگوگتاردىڭ قىزىعۋشىلىق تانىتقان كومپيۋتەرلەرىنە قاشىقتان قوسىلىپ، اقشالاي سىياقى ءۇشىن ولارعا تەستتەن جوعارى ناتيجەلەر الۋعا جاردەم كورسەتكەن.
2023 -جىلعى 19- شىلدەدە 3 نەگىزگى كۇدىكتى ۇستالدى. ءتىنتۋ بارىسىندا قاشىقتان قوسىلۋدى قامتاماسىز ەتەتىن تەحنيكالىق قۇرىلعىلار مەن باعدارلامالار، اقشالاي قاراجات جانە وزگە دە زاتتاي دالەلدەمەلەر تاركىلەندى.
قازاقستان رەسپۋبليكاسى قىلمىستىق كودەكسىنىڭ 207 «اقپاراتتىق جۇيەنىڭ نەمەسە تەلەكوممۋنيكاتسيالار جەلىسىنىڭ جۇمىسىن بۇزۋ» ) جانە 210 باپتارى («زيان كەلتىرەتىن كومپيۋتەرلىك باعدارلامالار مەن باعدارلامالىق ونىمدەردى جاساۋ، پايدالانۋ نەمەسە تاراتۋ» ) بويىنشا سوتقا دەيىنگى تەرگەپ- تەكسەرۋ باستالدى.
قىلمىستىق- پروتسەستىك كودەكستىڭ 201-بابىنا سايكەس وزگە اقپارات تەرگەۋ مۇددەسىندە جاريا ەتىلمەيدى.
2022 -جىلى ۇلتتىق قاۋىپسىزدىك كوميتەتى وسىعان ۇقساس قىلمىستار جاساعانى ءۇشىن 6 ادامدى قىلمىستىق جاۋاپكەرشىلىككە تارتتى.
