قوسشى مەن استانا اراسىندا جۇردەك اۆتوبۋستار قاتىناۋى مۇمكىن
بۇل جايىندا استانا قالاسى ساۋلەت جانە قالا قۇرىلىسى، جەر قاتىناستارى باسقارماسى باسشىسى ورىنباسارى ايان سماعۇلوۆتىڭ رەداكتسياعا جولداعان جاۋابىندا ايتىلعان، دەپ حابارلايدى قازاقپارات ءتىلشىسى.
«قوسشى قالاسى مەن استانا اراسىنداعى تەمىرجول قاتىناسىنا قاتىستى ايتساق، باس جوسپاردا استانا قالاسىنىڭ قوسشى قالاسىمەن بايلانىستارىندا پنيەۆموكولىك جەلىسى جوسپارلانعان. ول بولەك جولاقتا ۇيىمداستىرىلۋى مۇمكىن»، - دەپ جازىلعان جاۋاپتا.
دەگەنمەن، ايان سماعۇلوۆ بولاشاقتا ەكى قالا اراسىندا جۇردەك اۆتوبۋس (ب ر ت) قاتىناۋى مۇمكىن ەكەنىن ايتادى.
«پنيەۆماتيكالىق دوڭعالاقتى كولىكتىڭ تاسىمالداۋ قابىلەتىنەن اساتىن جولاۋشىلار اعىنىنىڭ پارامەترلەرىن انىقتايتىن ءتيىستى تەحنيكالىق- ەكونوميكالىق نەگىزدەمە كەزىندە جۇردەك اۆتوبۋس قاتىناسىن (ب ر ت) نەمەسە رەلستى كولىكتى ۇيىمداستىرۋ تۋرالى شەشىم قابىلدانۋى مۇمكىن»، - دەپ جازادى باسقارما باسشىسىنىڭ ورىنباسارى.
