استاناعا جەكە كولىكتەردىڭ سىرتتان كىرۋىنە شەكتەۋ قويىلا ما - اكىمدىك جاۋابى
مۇنداي توراپتار سالىنسا، قالا اۋماعىندا تىركەلمەگەن جەكە كولىكتەردىڭ كىرۋىنە شەكتەۋ قويىلا ما؟ استانا قالاسى ساۋلەت جانە قالا قۇرىلىسى، جەر قاتىناستارى باسقارماسى باسشىسى ورىنباسارى ايان سماعۇلوۆ رەداكسيانىڭ وسىنداي ساۋالىنا جاۋاپ بەردى، دەپ حابارلايدى قازاقپارات ءتىلشىسى.
«اۆتوموبيلدەردىڭ قالاعا كىرۋىن رەتتەۋگە قاتىستى ايتساق، الەمدىك تاجىريبە ءىرى قالالاردىڭ ينفراقۇرىلىمىن وڭتايلى پايدالانۋعا جانە تۇراقتى دامۋعا باعىتتالعان كولىك سۇرانىسىن باسقارۋدىڭ ءارتۇرلى قۇرالدارىن بىلەدى. مۇنداي قۇرالدار ءبىرتۇتاس، ءبىراق بەلگىلى ءبىر قالا ءۇشىن كەيبىر ايىرماشىلىقتار بولۋى مۇمكىن. كولىك ترانسپلانتاتسيالاۋ تورابى - قالاىشىلىك قوعامدىق جولاۋشىلار كولىگىندە ودان ءارى قوزعالىستار جاساي وتىرىپ، جەكە كولىكتى قالا شەتىنە قالدىرۋعا مۇمكىندىك بەرەتىن كولىك سۇرانىسىن باسقارۋ قۇرالدارىنىڭ ءبىرى. تىيىمداردى نەمەسە شەكتەۋلەردى ەنگىزۋ تەك كولىك قۇرالدارىمەن عانا ەمەس (مىسالى، قالاعا كىرۋدەگى كەپتەلىستەر)، سونىمەن قاتار بەلگىلى ءبىر ۋاقىت كەزەڭىندەگى الەۋمەتتىك- ەكونوميكالىق جاعداي سياقتى كوپتەگەن فاكتورلارمەن انىقتالادى»، - دەپ جازادى ايان سماعۇلوۆ.
سونداي- اق، ول استاناعا جەكە كولىكتەردىڭ كىرۋىن شەكتەۋ ماسەلەسى باس جوسپاردى ازىرلەۋشىلەردىڭ قۇزىرىنا كىرمەيتىنىن ايتادى.
«مۇنداي مىندەتتەر باس جوسپاردىڭ قۇزىرەتى بولىپ تابىلمايدى جانە قالانىڭ كولىك جۇيەسىن جوبالاۋدىڭ كەلەسى كەزەڭدەرىندە انىقتالۋى مۇمكىن»، - دەلىنگەن جاۋاپتا.
