استاناعا كىرەبەرىس جولداردا جەكە كولىكتەن قوعامدىق كولىككە اۋىسىپ مىنەتىن بەكەتتەر سالىنادى
بۇل تۋرالى استانا قالاسى ساۋلەت جانە قالا قۇرىلىسى، جەر قاتىناستارى باسقارماسى باسشىسى ورىنباسارى ايان سماعۇلوۆ رەداكتسيا ساۋالىنا جولداعان جاۋابىندا ايتتى.
«كولىك- ترانسپلانتاتسيالاۋ توراپتارى سىرتقى جانە قالا ماڭىنداعى اۋەجاي، تەمىرجول ۆوكزالدارى مەن اۆتوبۋس ۆوكزالدارىنىڭ جۇردەك قالالىق رەلستى كولىكپەن (ل ر ت، تەمىر جول، ترامۆاي) ءوزارا ءىس- قيمىل توراپتارى نەگىزىندە قالىپتاستىرىلادى. استانانىڭ باس جوسپارىندا بۇلار «ىسكەرلىك ورتالىقتار» دەپ اتالدى. اتالمىش ىسكەرلىك ورتالىقتاردىڭ قۇرامىندا ايالداما پۋنكتتەرى، اۆتوتۇراقتار، ۆەلوستانتسيالار، ەلەكتروموبيلدەرگە ارنالعان ستانتسيالار بولادى. باس جوسپاردا قالاعا قاراعاندى، پاۆلودار، كوكشەتاۋ، قوستاناي، قورعالجىن جانە وڭتۇستىك باعىتتاعى بارلىق نەگىزگى ماگيسترالدىق اۆتوجول كىرەبەرىستەرى بويىنشا، سونداي- اق حالىقارالىق اۋەجايدا جانە «استانا» جانە «نۇرلىجول» قولدانىستاعى ەكى تەمىرجول ۆوكزالىندا 9 نەگىزگى كولىك- ترانسپلانتاتسيالاۋ تورابى بەلگىلەنگەن»، - دەپ جازىلعان باسقارما جاۋابىندا.
ايان سماعۇلوۆتىڭ ايتۋىنشا، اۋەلى كولىك اۋىستىرىپ مىنەتىن توراپتار تىكەلەي ورنالاستىرۋ «ك-3» دەپ اتالاتىن قالاىشىلىك ساقينا كونتۋرى بويىنشا جوسپارلانعان. ءبىراق كەيىن ول جوسپار تۇزەتىلىپ، قالاعا كىرەتىن نەگىزگى جولداردىڭ ءبارىن قامتيدى دەگەن شەشىم قابىلدانىپ وتىر.
