انگلياعا ماۋسىمدىق جۇمىسقا باراتىن قازاقستاندىقتاردىڭ سانى ارتىپ بارادى

بۇل فەرما لوندوننان 200-دەي شاقىرىم جەردە ورنالاسقان. قۇلپىناي جانە تاڭقۋراي وسىرۋمەن اينالىسادى. جۇمىسشىلارى نەگىزىنەن ت م د مەملەكەتتەرىنىڭ ازاماتتارى. قازاقستاننان كەلگەندەردىڭ سانى 40-تان اسادى. ەركەبۇلان كوشەنوۆ بايقوڭىر قالاسى تورەتام كەنتىنىڭ تۋماسى. جاسى وتىزدا. ءبىلىمى جوعارى، ەلدە اۆتوسالوندا ەڭبەك ەتكەن. كەلىنشەگى ەكەۋى قىزدارىن اتا- اجەسىنە تاستاپ، التى ايعا ماۋسىمدىق جۇمىسقا كەلىپتى.

ۇلى بريتانيا ەۋروپالىق وداق قۇرامىنان شىققاننان كەيىن رۋمىنيا جانە بولگاريا سياقتى ەلدەردەن بۇرىنعىداي ەركىن كەلىپ، ەڭبەك ەتەتىندەرگە توسقاۋىل قويىلدى. جۇمىس كۇشىنە دەگەن سۇرانىس ەداۋىر ارتتى. ال جەرگىلىكتى حالىقتىڭ تومەن جالاقىعا قارا جۇمىس ىستەگىسى جوق. سوندىقتان بيلىك 2019 -جىلى پيلوتتىق جوبا رەتىندە ارزان جۇمىس كۇشىن ت م د ەلدەرىنەن تارتا باستادى. ءبىراق زاڭ تالاپتارىن قاتاڭ ورىنداۋ مىندەتتەلدى.

ماكسيم ساۆچەنكو، مەنەدجەر:

- قازاقستان بولسىن، باسقا مەملەكەتتەردەن بولسىن كەلگەن ءاربىر ازاماتتىڭ زاڭعا باعىنعانى وتە ماڭىزدى. ناقتى ءبىر فەرماعا عانا بايلانعان جۇمىس ۆيزاسى 6 ايعا عانا جارامدى. ودان كەيىن جۇمىسشىلار ەلگە ورالۋلارى كەرەك. ءبىراق كەيبىر فەرماداعىلار جۇمىستارىن تاستاپ، لوندونعا كەلىپ، قۇرىلىستا، قوناق ۇيلەردە زاڭسىز ەڭبەك ەتىپ ءجۇر.

مەرەي قۋاندىقوۆ، ۇلى بريتانياداعى قازاقستان ەلشىلىگىنىڭ كونسۋلى:

- وسىعان بايلانىستى كەلەشەكتە ۇلى بريتانياعا ماۋسىمدىق جۇمىسشى رەتىندە كەلەتىن وتانداستارىمىزعا جەرگىلىكتى زاڭناما تالاپتارىن قاتاڭ ساقتاۋ قاجەتتىلىگىنە نازار اۋدارامىز. ستاتيستيكالىق مالىمەتتەرگە سايكەس ەكى جىل بۇرىن فەرمالارعا 400-گە جۋىق قازاقستاندىق تارتىلسا، وتكەن جىلى 2700 ادامعا جۋىقتاپتى.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى