استاناعا كوشىپ كەلۋشىلەرگە شەكتەۋ قويىلا ما - اكىمدىك جاۋابى
باس جوسپاردا كەلەشەكتە قالانىڭ دامۋىنا اسەر ەتۋى مۇمكىن ەكونوميكالىق، الەۋمەتتىك، ساياسي جانە وزگە دە فاكتورلاردى كەشەندى تالداۋ نەگىزىندە قالا ءومىرىنىڭ ىقتيمال تاۋەكەلدەرى مەن جاعىمسىز پروتسەستەرىن بارىنشا ازايتۋ ءۇشىن جوبالىق ۇسىنىستار ازىرلەنەدى. ونىڭ ىشىندە ەلورداداعى حالىق ءوسىمىنىڭ جوعارى قارقىنى ەسكەرىلەدى. ۇكىمەت استانا اكىمدىگىمەن بىرلەسىپ ەلوردادا كوشى- قون پروتسەستەرىن شەشۋدىڭ ۇتىمدى ادىستەرىن ىزدەۋ بويىنشا جۇمىس جۇرگىزىپ جاتىر. قاتاڭ شەكتەۋ جانە تىيىم سالۋ شارالارىن بەلگىلەۋ كوشى- قون اعىندارىن باقىلاۋدى شەشۋگە اكەلمەيدى، - دەلىنگەن باسقارما وكىلىىنىڭ جاۋابىندا.
اكىمدىك بۇل ماسەلەدە حالىقارالىق تاجىريبەنىڭ وڭتايلى دەگەن تاسىلدەرىن قولدانۋعا نيەتتى.
شەتەلدىك تاجىريبە كورسەتكەندەي، كوپتەگەن ەلدەر ىشكى ميگرانتتار اعىنىن رەتتەۋدىڭ نارىقتىق سسەناريى بويىنشا ءجۇرىپ جاتىر، اكىمشىلىك شارالار قاجەتتى ناتيجەلەرگە اكەلمەيدى. 2023 -جىلعى 1 -قاڭتاردا «اگلومەراتسيالاردى دامىتۋ تۋرالى» زاڭ قابىلداندى. ول اگلومەراتسيانى ودان ءارى دامىتۋ باعىتىندا ورتالىق جانە جەرگىلىكتى اتقارۋشى بيلىك ورگاندارىنىڭ جۇمىسىنداعى جۇيەلىك پروتسەستەردى رەتتەيدى. سول ءۇشىن استانا قالاسى جانە اقمولا وبلىسى اكىمدىگىنىڭ بىرلەسكەن قاۋلىسىمەن جەرگىلىكتى اگلومەراتسيا كەڭەسى قۇرىلدى. بۇل باعىتتاعى جۇمىس جالعاسۋدا. قالا ماڭى ايماعىن دامىتۋ، ناقتى قالىپتاسقان اگلومەراتسيالىق بايلانىس، كونترماگنيتتىك كەنتتەردى دامىتۋ، ساۋاتتى اكىمشىلىك ساياساتتى قۇرۋمەن قاتار كوشى- قون پروتسەستەرىن تەڭەستىرۋگە، ەلوردا مەن قالا ماڭى ايماعىنىڭ ەكونوميكالىق جانە الەۋمەتتىك دامۋىنا مۇمكىندىك بەرەدى، - دەپ جاۋاپ بەردى ايان سماعۇلوۆ.
