باتىس قازاقستان وبلىسىنداعى حان ورداسى مۋزەي- قورىعىنا كەلەتىن تۋريستەر كوبەيدى

6 مۋزەيدى بىرىكتىرگەن حان ورداسى مۋزەي- قورىعىندا بيىل اكىمشىلىك ورتالىق پەن قابىلداۋ ورتالىعى پايدالانۋعا بەرىلمەك. وردالىقتار وزدەرىن تۇڭعىشتار مەكەنىندە تۇرىپ جاتىرمىز دەپ سانايدى. تاريحي تۇلعالاردى ايتپاعاندا، العاشقى قازاق مەكتەبى، اۋرۋحاناسى، قىزدار ۋچيليشەسى، باسپاحاناسى، ءتىپتى بانكى دە وسىندا اشىلعان. 1867 -جىلى سالىنعان قازىناشىلىق ءۇيى قاز- قالپىندا ساقتاۋلى. قازاق ساحاراسىنداعى العاشقى قارجىلىق وپەراتسيالاردىڭ وسى عيماراتتا جۇزەگە اسقانى تاريحي قۇجاتتارمەن دالەلدەنگەن. ءتىپتى ەڭ العاشقى قازاق فوتوگرافى شاڭگەرەي بوكەيەۆ ەكەنىن دە بىلە بەرمەيتىنىمىز راس. اقىن تۇرعان ءۇي 2019 -جىلى مۋزەيگە اينالىپتى.

ميرا كۋتۋشيەۆا، مۋزەي قىزمەتكەرى:

- قازاقتان شىققان تۇڭعىش فوتوگراف دەۋگە بولادى شاڭگەريدى. نيكولاي پاتشانى تاققا وتىرعىزۋ سالتاناتىندا وعان سىيلىققا فوتواپپارات بەرىلگەن ەكەن. مىنە وسى مۇراجايدا تۇرعان شاڭگەرەي بوكەيەۆ فوتواپپاراتىن قۇندى جادىگەر دەپ ايتۋعا بولادى.

تاريحى تۇنعان مەكەندى تاماشالاۋشىلاردىڭ قاراسى قالىڭ. ەگەر 5 جىل بۇرىن حان ورداسى مۋزەي- قورىعىنا 16 مىڭ تۋريست كەلسە، بىلتىر 25 مىڭ ادام ات باسىن بۇرىپتى. بيىل ودان دا كوپ كورىنەدى. جەرگىلىكتى ولكەتانۋشىلار عانا ەمەس، استانا، الماتى قالالارىنان، كورشى رەسەيدەن ارنايى كەلەتىندەر بار. سولارعا ارناپ قابىلداۋ ورتالىعى سالىنىپ جاتىر.

عايسا ماحيموۆ، حان ورداسى مۋزەي- قورىعىنىڭ ديرەكتورى:

- 2019-25 -جىلعى تۋريستەردى قازاقستان بويىنشا تارتۋ تۋرالى جوسپارعا ەندىك 50 توپتىڭ ىشىندە. تۋريزم باعىتىندا ۇلكەن جۇمىستارىمىز - بىردەن- ءبىر ۆيزيت ورالىعى. وندا اقپاراتتىق ورتالىق بولادى. كەلگەن ادامدار كافەتەرييدەن شىعىپ، كاسسادان بيلەتىن الىپ، فوتولابوروتوريا، سوسىن بالالاردىڭ بولمەسى بولادى.

حان ورداسى اۋىلىنداعى 1962 -جىلى اشىلعان ءبىر مۇراجاي بۇگىندە ۇلكەن مۋزەي- قورىققا اينالدى. قازىر 13 تاريحي ەسكەرتكىش پەن ءۇش كەسەنە رەسپۋبليكالىق ماڭىزداعى رەەسترگە ەنگەن. سوڭعى جىلدارى 1852 -جىلعى اۋرۋحانا مەن سەيىتقالي مەڭدەشيەۆتىڭ ءۇيى قالپىنا كەلتىرىلگەن. بيىل عاسىر جارىم بۇرىن سالىنعان امبۋلاتوريا مەن الما ورازبايەۆانىڭ ءۇيى جوندەلۋدە. الداعى جوسپار اۋقىمدى.

عايسا ماحيموۆ، حان ورداسى مۋزەي- قورىعىنىڭ ديرەكتورى:

- اۋىلدى تۋريستىڭ ورتاسىن جاساعىمىز كەلىپ جاتىر. قازىر ەتنواۋىل جاساۋ جونىندەگى ۇسىنىستارىمىز ينۆەستورلار قاراستىرىپ جاتىر. سونىمەن قوسا كۋرورتتى ساناتوري ەمدەۋ ورنىن سالۋ جونىندە ۇسىنىستار بەرىپ جاتىر. ەندى ءبىزدىڭ توپىراعىمىز دا بار، تابيعاتىمىز دا بار، تاريحىمىز دا بار كەلگەن قوناققا. كەلەسى جىلى مۋزەي بولادى، 8 مۇراجاي بولادى. جوسپارىمىزدا 14 مۋزەي جاسايمىز با دەگەن ۇسىنىس بار. بيىل بوكەي ورداسى اۋدانىنا اپارار جولدىڭ قۇرىلىسى اياقتالماق. جول تۇزەلگەن سوڭ تۇڭعىشتار مەكەنىن كورۋگە اعىلعان تۋريستەرگە توقتاۋ بولماسى انىق.

www.24.kz

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى