الەم چەمپيوناتى: قازاقستان ەرلەر قۇراماسى قىتايدى جەڭىپ كەتتى

الەم چەمپيوناتى 16-28-شىلدە ارالىعىندا جاپونيانىڭ فۋكۋوكا قالاسىندا ءوتىپ جاتىر.

بيىل ون التىنشى مارتە جالاۋىن كوتەرگەن ءدۇبىرلى دودادا ۇلتتىق قۇراما ا توبىندا ا ق ش-تان 5:18، اۆستراليادان 6:22، گرەكيادان 2:18 ەسەبىمەن جەڭىلىپ، ءتورتىنشى ورىندى مىسە تۇتتى.

ودان كەيىن 13-16-ورىندار ءۇشىن سايىستا قىتايدى 5:12 ەسەبىمەن تىزە بۇكتىردى.

ەندى ولار 25-شىلدەدە 13-ورىن ءۇشىن ارگەنتينا قۇراماسىمەن كەزدەسەدى.

ەل قۇراماسىنا بيىل توعىزىنشى مارتە قاتىسىپ وتىر. ازىرگە ەڭ جوعارى جەتىستىگى – 1998، 2015، 2017 -جىلداردا العان 11 ورىن.

سونداي-اق، سۋ دوبىنان الەم چەمپيوناتىندا ەلىمىزدىڭ ايەلدەر قۇراماسى 15-ورىن ءۇشىن 24-شىلدەدە ارگەنتينامەن شەبەرلىك بايقاسادى.

ولار ۆ توبىندا يسپانيادان 5:24، نيدەرلاندتان 2:30، يزرايلدان 6:17 ەسەبىمەن جەڭىلسە، جارىستىڭ كەلەسى ساتىسىندا قىتايعا 8:16 ەسەبىمەن جول بەردى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى