قازاقستاندا ساياحاتقا شىعۋعا بولاتىن جاڭا تۋريستىك ورىنداردىڭ ءتىزىمى بەكىتىلەدى

اشىق ن ق ا پورتالىندا جاريالانعان مادەنيەت جانە سپورت ءمينيسترىنىڭ بۇيرىق-جوباسىندا تۋريستىك ورىنداردىڭ ءتىزىمىن تولىقتىرۋ جوسپارلانىپ وتىرعانى جازىلعان.

قۇجاتقا ساي، ەندى قازاقستان بويىنشا تۋريستىك اۋماقتار قاتارىنا مىنا ورىندار ەنگىزىلەدى:

- اباي وبلىسىنىڭ «تارباعاتاي» مەملەكەتتىك ۇلتتىق تابيعي پاركى؛

- اباي وبلىسىنداعى الاكول كولىنىڭ جاعالاۋى؛

- شىعىس قازاقستان وبلىسىنىڭ «كاتون- قاراعاي» مەملەكەتتىك ۇلتتىق تابيعي پاركى؛

- بالقاش، پريوزەرسك قالالارىن قوسا العاندا، قاراعاندى وبلىسىنىڭ بالحاش كولىنىڭ جاعالاۋى؛

- جەتىسۋ وبلىسىنىڭ «التىن-ەمەل» مەملەكەتتىك ۇلتتىق تابيعي پاركى؛

- جەتىسۋ وبلىسىنداعى بالقاش كولىنىڭ جاعالاۋى؛

- جەتىسۋ وبلىسىنىڭ «جوڭعار-الاتاۋ» مەملەكەتتىك ۇلتتىق تابيعي پاركى؛

- جەتىسۋ وبلىسىنداعى الاكول كولىنىڭ جاعالاۋ؛

- اباي وبلىسىنداعى شوشقالى كولىنىڭ كۋرورتتىق ايماعى؛

- اباي وبلىسىنداعى «اباي-شاكارىم» كەسەنەلەر كەشەنى؛

- اباي وبلىسىنداعى ابايدىڭ «جيدەباي-ءبورىلى» مەملەكەتتىك تاريحي-مادەني جانە ادەبي-مەموريالدىق قورىق-مۇراجايى؛

- اقتوبە وبلىسىنداعى «قارعالى» سۋ قويماسىنىڭ كۋرورتتىق ايماعى؛

- اقتوبە وبلىسىنداعى «اقتولاعاي» تاۋ جوتاسى؛

- اقتوبە وبلىسىنداعى «بارقىن» قۇمدارى؛

- اقتوبە وبلىسىنداعى «اققۇم» قۇمدارى؛

- اقتوبە وبلىسىنداعى «قاسقىر» سارقىراماسى؛

- جەتىسۋ وبلىسىنداعى تەكەلى قالاسى

- قىزىلوردا وبلىسىنداعى «حانقوجا» كولى؛

- قىزىلوردا وبلىسىنداعى «قورقىت اتا» كەسەنەسى؛

- قىزىلوردا وبلىسىنداعى «قامىستى» كولىنىڭ كۋرورتتىق ايماعى؛

- قىزىلوردا وبلىسىنداعى جاڭاقورعان بالشىق كۋرورتتارى؛

- تۇركىستان وبلىسىنداعى ۇكاشا اتا كەسەنەسى مەن قۇدىعى؛

- تۇركىستان وبلىسىنداعى بايدىبەك اتا كەسەنەسى؛

- تۇركىستان وبلىسىنداعى دومالاق انا كەسەنەسى؛

- تۇركىستان وبلىسىنداعى قوس انا كەسەنەسى؛

- تۇركىستان وبلىسىنداعى بابا تۇكتى شاشتى ءازىز كەسەنەسى؛

- تۇركىستان وبلىسىنداعى ىسقاق باب كەسەنەسى؛

- تۇركىستان وبلىسىنداعى اقبيكەش مۇناراسى؛

- تۇركىستان وبلىسىنداعى ءشاممات يشان مەشىتى؛

- تۇركىستان وبلىسىنداعى ماجراتۇت مىڭجىلدىق تۇت اعاشى؛

- تۇركىستان وبلىسىنداعى ىسقاق باب كەسەنەسى؛

- تۇركىستان وبلىسىنداعى كەمە قالعان مونۋمەنتى؛

- تۇركىستان وبلىسىنداعى جىلاعان اتا ۇڭگىرى؛

- تۇركىستان وبلىسىنداعى كەلىنشەكتاۋ تاۋ جوتاسى؛

- تۇركىستان وبلىسىنداعى سارىاعاش كۋرورتتىق ايماعى؛

- تۇركىستان وبلىسىنداعى اقمەشىت ۇڭگىرى؛

- تۇركىستان وبلىسىنداعى «سىرداريا-تۇركىستان» مەملەكەتتىك وڭىرلىك تابيعي پاركى؛

- تۇركىستان وبلىسىنداعى اقسۋ شاتقالى؛

- تۇركىستان وبلىسىنداعى كەلتە ماشات شاتقالى؛

- تۇركىستان وبلىسىنداعى «قاراتاۋ» مەملەكەتتىك تابيعي قورىعى؛

- تۇركىستان وبلىسىنداعى «اقسۋ-جاباعىلى» مەملەكەتتىك تابيعي قورىعى؛

- ۇلىتاۋ وبلىسىنىڭ «ۇلىتاۋ» ۇلتتىق تاريحي-مادەني جانە مۋزەي قورىعى؛

- ۇلىتاۋ وبلىسىنداعى «جوشى حان» تاريحي- مادەني كەشەنى؛

- شىمكەنت قالاسىنداعى «شىم قالا» تاريحي مادەني-كەشەنى؛

- شىمكەنت قالاسىنداعى يبراگيم اتا كەسەنەسى؛

- شىمكەنت قالاسىنداعى «قاراشاش انا» كەسەنەسى؛

- شىمكەنت قالاسىنداعى «ءمىرالى بابا» كەسەنەسى؛

- شىمكەنت قالاسىنداعى «حىزىر» مۇناراسى؛

- شىمكەنت قالاسىنداعى «ءابدىل ءازىز باب» كەسەنەسى.

تۋريستىك باعىتتار ءتىزىمىن كەڭەيتۋدى كوزدەيتىن مينيستر بۇيرىعى 4- تامىزعا دەيىن كوپشىلىك تالقىلاۋدا بولادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى