اقتاۋدا العاش رەت مەكتەپ كوماندالارى اراسىندا شاحماتتان الەم چەمپيوناتى وتەدى
چەمپيوناتقا شاحمات ۇيىرمەلەرى مەن سەكسيالارىنىڭ تاربيەلەنۋشىلەرى ەمەس، شاحماتتى جاقسى كورەتىن قاراپايىم اۋەسقوي مەكتەپ وقۋشىلارى قاتىسادى.
چەمپيونات 12 جاسقا دەيىنگى جانە 18 جاسقا دەيىنگى ەكى كاتەگوريا بويىنشا وتەدى.
50 ەلدەن 300 گە جۋىق قاتىسۋشى كەلەدى دەپ جوسپارلانىپ وتىر. پەرۋ، ماداگاسكار، سان-تومە جانە پرينسيپيدەن قاتىسۋشىلار كەلەدى.
چەمپيوناتتا قازاقستاننىڭ نامىسىن 6 قالادان 10 مەكتەپ قورعايدى. ولار:
- IT مەكتەپ- ليتسەيى، اقتاۋ قالاسى؛
- ن. مارابايەۆ اتىنداعى 7№ مەكتەپ-ليتسەيى، اقتاۋ قالاسى؛
- م. گاندي اتىنداعى 92№ مامانداندىرىلعان ليتسەيى، الماتى قالاسى؛
- رەسپۋبليكالىق فيزيكا-ماتەماتيكا مەكتەبى، الماتى قالاسى؛
- الماتى قالاسى فيزيكا-ماتەماتيكا باعىتىنداعى نازاربايەۆ زياتكەرلىك مەكتەبى؛
- 72№ مەكتەپ-ليتسەيى، استانا قالاسى؛
- رەسپۋبليكالىق فيزيكا-ماتەماتيكا مەكتەبى، استانا قالاسى؛
- اتىراۋ وبلىستىق «ءبىلىم-يننوۆاتسيا» ليتسەي-ينتەرناتى؛
- دارىندى بالالارعا ارنالعان 8№ ليتسەي-مەكتەبى، پاۆلودار قالاسى؛
- و. جولداسبەكوۆ اتىنداعى 9№ IT ليتسەيى، شىمكەنت قالاسى.
كوماندالاردىڭ ءتيىمدى دايىندىعى ءۇشىن قازاقستان شاحمات فەدەراتسياسى چەمپيونات قارساڭىندا بۋرابايدا وقۋ-جاتتىعۋ جيىنىن ۇيىمداستىرادى.
سونداي-اق تۋرنيردىڭ نەگىزگى رەسمي بولىمىنەن باسقا، قوناقتار ءۇشىن ەكسكۋرسيالىق جانە ويىن-ساۋىق باعدارلاماسى دايىندالدى.
