قىتايدىڭ جالىندى تاۋلارىنا مىڭداعان تۋريست كەلدى

قىتايدىڭ شىنجاڭ ايماعىنداعى تۋرفان جازىعىنىڭ سولتۇستىگىنە ءار جاز سايىن تۋريستەر جينالادى. ولار قوڭىر-قىزىل ءتۇستى قۇمنان قۇرالعان تولقىن ءتارىزدى بەتكەيگە تامسانىپ، جەردەن شىعاتىن اسا قاتتى ىستىقتى سەزىنۋ ءۇشىن كەلەدى.

كەڭ جيەكتى قالپاق كيىپ، ىستىقتان قورعانۋ ءۇشىن قوسىمشا قولشاتىر ۇستاعان تۋريستەر 12 مەترلىك تەرمومەتر كومەگىمەن سەلفي جاسادى. تەرمومەتر سول ساتتە جەر بەتىندەگى تەمپەراتۋرا 80 سەلسي گرادۋس ەكەنىن كورسەتىپ تۇردى.

وسى اپتادا شىڭجانداعى تەمپەراتۋرا بۇكىل رەكوردتان اسىپ ءتۇستى. تۋرفان جازىعىنىڭ شالعايداعى اۋىلىندا ماكسيمال تەمپەراتۋرا - 52,2 گرادۋس تىركەلىپ، قىتايدىڭ ۇلتتىق رەكوردى - 2015-جىلى تىركەلگەن 50,3 گرادۋستى جاڭارتتى.

سول كۇنى تۋرفان القاپ-قالاسىندا «جالىندى تاۋلاردان» باتىسقا قاراي 45 گرادۋستان جوعارى تەمپەراتۋرا تىركەلدى، ال ونىڭ بەسەۋىنىڭ ىشىندەگى ەڭ جوعارعىسى 50 گرادۋستان استى، دەپ حابارلادى مەملەكەتتىك ب ا ق.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى