شىمكەنت مۇناي وڭدەۋ زاۋىتىندا جوندەۋ جۇمىسى قاشان اياقتالادى

ۆەدومستۆو مالىمەتىنشە، ساپار بارىسىندا ق ر ەنەرگەتيكا ۆيتسە-ءمينيسترى مۇناي وڭدەۋ زاۋىتىنىڭ جۇمىسىمەن تانىسىپ، قىزمەتكەرلەرىمەن كەڭەس وتكىزدى.

جيىندا قاتىسۋشىلار جۇمىس جوسپارىن تالقىلادى جانە ق ر ەنەرگەتيكا مينيسترلىگى تاراپىنان زاۋىتتىڭ تۇراقتى جۇمىسىن قامتاماسىز ەتۋ بولىگىندە ودان ءارى ءىس-قيمىل جوسپارى بويىنشا ۇسىنىمدار بەرىلدى.

قازىرگى ۋاقىتتا زاۋىتتا بەنزيندەردىڭ كاتاليتيكالىق ريفورمينگ قوندىرعىسىندا پلاستينالى جىلۋ الماستىرعىشتى قوسۋ بويىنشا وپەراتسيالار جۇرگىزىلىپ جاتىر.

وسى وپەراتسيانى ورىنداۋ ءۇشىن مۇنايدى باستاپقى وڭدەۋ، ديزەل وتىنىن جانە اۆياتسيالىق وتىندى گيدروتازارتۋ قوندىرعىلارى ىستىق اينالىمعا اۋىستىرىلدى.

مازۋتتى تەرەڭ وڭدەۋ كەشەنى شتاتتىق رەجيمدە جۇمىس ىستەپ تۇر، اۆتوبەنزين مەن ديزەل وتىن شىعارۋدا، مۇناي ونىمدەرىن تيەپ-جونەلتۋ وتىنىمگە سايكەس جۇزەگە اسىپ جاتىر.

زاۋىت باسشىلىعىنىڭ اقپاراتىنشا، پلاستينالى جىلۋ الماستىرعىشتى جۇمىسقا قوسۋ وپەراتسياسى 23- شىلدەدە اياقتالادى.

سودان كەيىن 24- شىلدەدە قالىپتى تەحنولوگيالىق رەجيمگە شىعارىلادى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى