دونالد ترامپتىڭ سوتى قاشان باستالاتىنى بەلگىلى بولدى

فەدەرالدى سوت ەيلين كەننون ا ق ش- تىڭ ەكس-پرەزيدەنتى دونالد ترامپتىڭ قۇپيا قۇجاتتاردى ساقتاعانىنا قاتىستى سوت ءىسى 2024-جىلدىڭ 20- مامىرىندا وتەدى دەپ بەلگىلەدى.

تىڭدالىم ونىڭ قازىرگى پرەزيدەنت دجو بايدەنگە قارسى سايلاۋالدى ناۋقانى قىزىپ تۇرعان شاقتا باستالادى.

پروكۋرور سوت ءىسىن 2023-جىلدىڭ جەلتوقسانىندا باستاۋدى ۇسىندى، ال ترامپ ادۆوكاتى ونى 2024-جىلدىڭ قاراشاسىندا وتەتىن پرەزيدەنت سايلاۋى اياقتالعانشا شەگەرە تۇرۋدى سۇرادى.

اق ءۇيدىڭ بۇرىنعى باسشىسىنا جالپى 38 بولىك بويىنشا ايىپ تاعىلدى، ونىڭ ىشىندە ەرەسەكتەرگە ارنالعان فيلمدەردىڭ اكتريساسى ستورمي دەنيەلسكە ەشتەڭە ايتپاۋى ءۇشىن اقشا تولەگەنى، سونىمەن قاتار نەسيە الۋ ءۇشىن جەكەمەنشىك باعاسىن كوتەرىپ كورسەتكەنىنە قاتىستى الاياقتىق ءىسى بار.

بۇعان دەيىنگى پرەزيدەنت سايلاۋىنىڭ ناتيجەسىن جويۋعا تىرىسۋ ءىسى بويىنشا تەرگەۋ جالعاسىپ جاتىر.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى