بەرلين توڭىرەگىن شۋلاتقان جابايى اڭ ارىستان ەمەس، قابان بولىپ شىقتى

وعان جەرگىلىكتى تۇرعىندار ءتۇسىرىپ العان، قانشىرعا (ارىستاننىڭ ۇرعاشىسى) ۇقسايتىن اڭ بەينەلەنگەن ۆيدەو سەبەپ بولدى، دەپ حابارلايدى قازاقپارات Deusche Welle باسىلىمىنا سىلتەمە جاساپ.

دەگەنمەن 20- شىلدە تۇندە تۇسىرىلگەن ۆيدەونى مۇقيات قاراعان كەزدە، اعاشتار اراسىنان قانداي دا ءبىر اڭنىڭ ارقاسى مەن قۇيرىعىنىڭ ءبىر بولىگى كورىنىپ تۇر.

ۆيدەونى تالداي كەلە، بۇل ارىستان ەمەس قابان دەگەن تۇجىرىم جاسالدى.

وسىعان بايلانىستى كەيىنگى تاۋلىك ىزدەۋ جۇمىستارى جۇرگىزىلىپ جاتقان بەرلين ماڭىنداعى كلياينماحنوۆ قالاسىندا كەشە باسپا ءسوز كونفەرەنتسياسى ءوتتى.

كلياينماحنوۆ مەرى مەن پوليتسيا اعا باسشىسى تۇسكە قاراي اڭدى ىزدەۋ جۇمىسى اياقتالعانىن مالىمدەدى. اڭنىڭ ءىزى انىقتالمادى، ال كورسەتىلگەن جەردەن تەك ەكى قابان تابىلدى.

شۋ تۋدىرعان ۆيدەو تالدانىپ، ب ا ق- قا تاراتىلۋى كەرەك. تالداۋ ساراپشىلاردىڭ كومەگىمەن جۇرگىزىلدى. ەكى مامان ول - جابايى قابان ەكەنىن «انىقتاعان ءتارىزدى».

ولاردىڭ پىكىرىنشە، جانۋاردىڭ قۇيرىعى ارىستاندىكى سەكىلدى قوزعالماعان. پوليتسيا ەندى تۇرعىندارعا قاۋىپ ءتونىپ تۇرعان جوق دەيدى.

بۇعان دەيىن بەرليندە ەكىنشى تاۋلىك قاتارىنان جابايى اڭ ىزدەستىرىلىپ جاتقانىن حابارلاعان بولاتىنبىز.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى