استانادا ەسىل وزەنىن كەسىپ وتەتىن تاعى ءبىر كوپىر سالىنادى
سونداي-اق تىلەنديەۆ داڭعىلى- ش. بەيسەكوۆا كوشەسىنىڭ قيىلىسىندا كولىك ايرىعىن سالۋ جۇمىسى ءجۇرىپ جاتىر.
پرەمەر-ءمينيستردىڭ ءبىرىنشى ورىنباسارى رومان سكليار مەن استانا اكىمى جەڭىس قاسىمبەك جول جۇمىسى قۇرىلىسىنىڭ بارىسىمەن جانە جول-كولىك جەلىسىن دامىتۋدىڭ پەرسپەكتيۆالىق جوسپارىمەن تانىستى.
مىسالى كەنەسارى كوشەسىندە ەسىل وزەنى ارقىلى وتەتىن كوپىردى (كازگيۋۋ ۋنيۆەرسيتەتىنىڭ اۋدانى) جوبالاۋ جۇمىسى جۇرگىزىلىپ جاتىر.
بۇل كوپىردىڭ قۇرىلىسى كەلەسى جىلى باستالادى دەپ جوسپارلانىپ وتىر.
بيىل تاۋەلسىزدىك داڭعىلىنداعى كوپىردىڭ قۇرىلىسى اياقتالادى. بۇل كوپىر جولدارداعى كەپتەلىستى ەداۋىر جەڭىلدەتۋگە مۇمكىندىك بەرەدى.
سونداي-اق سول جاعالاۋدى تاۋەلسىزدىك داڭعىلىمەن، جاڭا تەمىرجول ۆوكزالىمەن، قوشقاربايەۆ داڭعىلىمەن، ناجىمەدەنوۆ كوشەسىمەن، ازىرەت سۇلتان مەشىتى اۋدانىمەن، بايتۇرسىنوۆ، قورداي، ايناكول كوشەلەرىمەن، مومىش ۇلى داڭعىلىمەن جانە ت. ب. قوسىمشا بايلانىستى قامتاماسىز ەتەدى.
بيىل 70 تەن استام كوشە سالىنىپ، جوندەلەدى.
بۇل كەرەي-جانىبەك حاندار كوشەسى قابانباي باتىر داڭعىلىنان ساۋران كوشەسىنە دەيىن، ماڭگىلىك ەل داڭعىلى سالتاناتتى قاقپادان حۋسەين بەن تالال كوشەسىنە دەيىن، عۇمار قاراش، قورداي، بۋراباي، بەلجايلاۋ، كەنەسارى كوشەلەرى عابدۋللين كوشەسىنەن رەسپۋبليكا داڭعىلىنا دەيىن، ءۋاليحانوۆ كوشەسىنىڭ كراۆتسوۆ كوشەسىنەن بوگەنباي باتىر داڭعىلىنا دەيىن، تاشەنوۆ كوشەسىنىڭ رەسپۋبليكا داڭعىلىنان اممان كوشەسىنە دەيىن، يمانبايەۆ كوشەسى يمانوۆ كوشەسىنەن كەنەسارى كوشەسىنە دەيىن، ءال-فارابي داڭعىلى الاش كوشەسىنەن پۋشكين كوشەسىنە دەيىن، جەڭىس داڭعىلى بوگەنباي باتىر داڭعىلىنان كەنەسارى كوشەسىنە دەيىن، ەڭبەكشىلەر كوشەسىنىڭ قۇرىلىسى ۇلى دالا داڭعىلىنان بۇقار جىراۋ كوشەسىنە دەيىن؛ رىسقۇلوۆ كوشەسى ماڭگىلىك ەل داڭعىلىنان باستاپ قايسەنوۆ كوشەسىنە دەيىن، سارىارقا، ر. قوشقاربايەۆ داڭعىلدارى جانە ت. ب. تاعى 300 كوشە اعىمداعى جوندەۋمەن قامتىلادى. جۇمىستىڭ ءبىر بولىگى اياقتالدى.
سونىمەن قاتار، بيىل 400 جاڭا اۆتوبۋس جەتكىزىلەدى. ونىڭ 90 ى قالاعا كەلدى.
