جوعارعى سوت كىشى تالدىكول ءىسى بويىنشا ۇكىم شىعاردى
ايتا كەتەيىك، بۇعان دەيىن وتكەن بىرنەشە سوت پروتسەسىندە ەلوردانىڭ مامانداندىرىلعان اۋدانارالىق اكىمشىلىك سوتى تالاپ قويعان «Aqiqat» بىرلەسىتىگىنىڭ ارىزىن ءىشىنارا قاناعاتتاندىردى.
اتاپ ايتقاندا، سوت شەشىمىمەن كىشى تالدىكولدىڭ 6, 7 جانە 9-ۋچاسكەلەرىنە قۇرىلىس سالۋعا تىيىم سالىنعان.
دەگەنمەن اپەللياتسيا كەزىندە بۇل شەشىم وزگەردى.
ياعني، اتالعان كولدەر توبىنىڭ تەك 7-ۋچاسكەسىندە عانا نىسان قۇرىلىسىنا شەكتەۋ قويىلىپ، 6 جانە 9 ۋچاسكەلەر ءۇي سالۋعا تىيىم سالىنعان جەرلەر ساناتىنان شىعارىلدى.
مۇنىمەن كەلىسپەگەن «Aqiqat» بىرلەسىتىگى جوعارعى سوتقا تالاپ قويدى.
«جوعارعى سوتتىڭ اكىمشىلىك ىستەر جونىندەگى سوت القاسى ءبىر ايدا ءىس بويىنشا كوپ ساعاتتىق ءۇش وتىرىس وتكىزدى. جالپى، پروتسەستەرگە 100-دەن استام مۇددەلى ازاماتتار مەن ب ا ق وكىلدەرى قاتىستى. القا جەرگىلىكتى سوتتاردا قورىتىندى بەرگەن مامانداردى تىڭدادى. اكىمدىكتەن كولدەردىڭ اعىمداعى جاي-كۇيى تۋرالى مالىمەت سۇرالدى. تيىسىنشە كاسساتسيا ءىستى قاراپ، اپەللياتسيالىق سوتتىڭ قاۋلىسىن كۇشىندە قالدىردى»، - دەلىنگەن جوعارعى سوتتىڭ حابارلاماسىندا.
