تالعار وزەنىنىڭ تاسۋى: قازىرگى احۋال تۇراقتى
جامبىل اۋدانىندا شيەن اۋىلدىق وكرۋگىنىڭ شيەن اۋىلىندا جەرگىلىكتى اتقارۋشى ورگاننىڭ كۇشتەرى مەن قۇرالدارى، ۇزىناعاش اۋىلىنىڭ 4- ءو س ب ءورت سوندىرۋشىلەرى، سونداي-اق 28237 اسكەري ءبولىمىنىڭ قىزمەتشىلەرى 138 جەكە تۇرعىن ءۇي اۋلالارىنان، ۇيلەردىڭ 10 جەرتولە ءۇي-جايىنان سۋ سورىپ شىعارعان.
ۆەدومستۆو مالىمەتىنشە، قالعان سۋ قالدىقتارى توپىراققا ءسىڭىپ كەتتى. جاعداي تۇراقتى.
«تالعار اۋدانىندا تالعار وزەنىنىڭ بويىندا جاۋىن-شاشىننىڭ كوپ مولشەردە تۇسۋىنە بايلانىستى سۋ دەڭگەيى كوتەرىلدى. قازىرگى ۋاقىتتا تالعار وزەنىندەگى سۋ دەڭگەيى سەكۋندىنا 37 تەكشە مەتردى قۇرايدى. گيدروتەحنيكالىق قۇرىلىستىڭ سۋ وتكىزۋ قابىلەتى سەكۋندىنا 70.5 تەكشە مەتردى قۇرايدى. مونيتورينگ جۇرگىزۋ جانە جەدەل شارالار قابىلداۋ ماقساتىندا ولشەمدەر جۇرگىزىلۋدە. قوسىمشا باقىلاۋ بەكەتتەرى ورناتىلدى. جەدەل شتابتىڭ جۇمىسى ۇيىمداستىرىلدى. جاۋىن-شاشىن توقتادى، جاعداي تۇراقتى»، - دەپ جازىلعان ت ج م حابارلاماسىندا.
