جالعان ترانزيتتى بولدىرماۋ ءۇشىن جۇك كولىكتەرىنە ناۆيگاتسيالىق پلومبالار ىلىنەدى - كوميتەت

كولەڭكەلى تاۋار اينالىمىن بولدىرماۋ ماقساتىندا قازاقستان، رەسەي جانە قىرعىز رەسپۋبليكاسىنىڭ فيسكالدى ورگاندارى ءوزارا ءىس-قيمىل جاساۋدا. وسى ماقساتتا ءجيى كەزدەسۋلەر ءوتىپ، ءبىرقاتار كەلىسىمدەر ورناعان.

قازاقستان مەن قىرعىزستان اراسىنداعى ساۋدا-ەكونوميكالىق ىنتىماقتاستىق جونىندەگى جۇمىس توبىنىڭ ەكىنشى وتىرىسىندا (2022-جىلعى 8-9- قىركۇيەك، بىشكەك) جاسالعان كەلىسىمدەر نەگىزىندە 2022-جىلدىڭ 1- قازانىنان 2023-جىلدىڭ 1- ساۋىرىنە دەيىن قىرعىزستاننان رەسەي فەدەراتسياسىنا باعىتتالعان جۇك كولىكتەرىنە ناۆيگاتسيالىق پلومبالار ءىلۋ بويىنشا پيلوتتىق جوبا جۇرگىزىلدى.

قازاقستان ۇكىمەتىنىڭ 2023-جىلعى 12- قاڭتارداعى 17№ قاۋلىسىمەن حالىقارالىق اۆتوموبيل تاسىمالدارىن قاداعالاۋ جونىندەگى ۇلتتىق وپەراتور بولىپ «عارىشتىق تەحنيكا جانە تەحنولوگيالار ينستيتۋتى» ە ج ش س بەكىتىلدى.

«2023-جىلعى 1- ماۋسىمنان باستاپ، قىرعىز رەسپۋبليكاسى جانە رەسەي فەدەراتسياسىمەن ءوزارا ساۋدا شەڭبەرىندە تاۋارلاردىڭ اۆتوموبيل جانە تەمىرجول تاسىمالىن قاداعالاۋ بويىنشا حالىقارالىق پيلوتتىق جوبا جۇرگىزىلۋدە. ناۆيگاتسيالىق پلومبالار قازاقستان اۋماعىنان وتەتىن تاۋارلاردى ناقتى ۋاقىت رەجيمىندە قاداعالاۋعا مۇمكىندىك بەرەدى جانە جالعان ترانزيت فاكتىلەرىن بولدىرماۋعا، ناقتى يمپورتتاۋشىنى ايقىنداۋعا باعىتتالعان»، - دەپ جازىلعان كوميتەت حابارلاماسىندا.

اتالعان يلوتتىق جوبا قاڭتار-ماۋسىم ايلارىندا ق ر ارقىلى ە ا ە و ەلدەرىنە ترانزيتپەن وتكەن بارلىق 25 مىڭ جۇك كولىكتەرىنىڭ قىرعىزستاننان جالعان ترانزيت ۇلەسىن %0,3 عا دەيىن تومەندەتۋگە ىقپال ەتتى.

وسىعان دەيىن جالعان ترانزيت ۇلەسى تەك قىرعىز رەسپۋبليكاسىنان 2019-جىلى %21 (5,4 مىڭ فاكت)، 2020-جىلى - %13 (4,2 مىڭ فاكت) قۇراعان بولاتىن. 2021-جىلى قابىلدانعان شارالار ارقىلى جالعان ترانزيت ۇلەسى %0,8 عا (287 فاكت)، 2022-جىلى %0,6 عا (262 فاكت) دەيىن قىسقارعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى