اقتوبە وبلىسى ەكس-اكىمىنىڭ سوتى: جەر تەلىمىن تومەن باعادا ساتۋ جولى بەلگىلى بولدى
قىلمىستىق ءىس قىلمىستىق كودەكستىڭ «سەنىپ تاپسىرىلعان بوتەن مۇلىكتى يەمدەنىپ الۋ نەمەسە تالان-تاراجعا سالۋ» بابى بويىنشا قارالىپ جاتىر. مەملەكەتكە كەلتىرىلگەن شىعىننىڭ جالپى كولەمى - 199,4 ميلليون تەڭگە.
ءىس ماتەريالىنا سۇيەنسەك، 2010-جىلدىڭ قىركۇيەگىندە «سەرۆيس ۋيۋتا» ج ش س مەن «اقتوبە» ا ك ك» ا ق اراسىندا كوتتەدج ۇلگىسىندەگى تۇرعىن ءۇيدى سالۋ جونىندەگى ينۆەستيتسيالىق جوبا كەلىسىمشارتىنا قول قويىلادى. وعان الەۋمەتتىك-كاسىپكەرلىك كورپوراتسياسى پايىزسىز 200 ميلليون تەڭگە بولەدى. تۇرعىن ءۇي قۇرىلىسىن جۇرگىزۋ 2014-جىلدىڭ جەلتوقسان ايىنا دەيىن شەگەرىلىپ، قارىزدى قايتارۋ كەلىسىمى 2016-جىلدىڭ جەلتوقسانىنا بەكىتىلگەن. ءسويتىپ، «سەرۆيس ۋيۋتا» ج ش س بلاگودارنىي اۋىلىنداعى اۋدانى 23,9 گەكتار بولاتىن جەردى كەپىلگە سالادى. بۇل جەردە جەكە تۇرعىن ءۇي سالۋ ستاتۋسى بولعان. تاۋەلسىز باعالاۋشىلار ونىڭ نارىقتاعى باعاسى 219,6 ميلليون تەڭگە دەپ باعالادى. دەگەنمەن، قۇرىلىس جۇرمەدى. ءسويتىپ سوت بولىپ، سەرىكتەستىكتەن اكك- ءنىڭ پايداسىنا 199,4 ميلليون تەڭگە ءوندىرۋ تۋرالى شەشىم شىعاردى.
2019-جىلدىڭ قاراشا ايىندا تاعايىندالعان ەرمەك يمانتايەۆ 2020-جىلدىڭ مامىر ايىندا جەر ساتۋدى ماقسات ەتەدى. جەر تەلىمىنىڭ قۇنىن تومەن ءتۇسىرىپ، الدىن الا كەلىسىلگەن ادامعا اۋدارادى. كەيىن كوپقاباتتى تۇرعىن ۇيگە ارنالعان جەر تەلىمىنە اۋىستىرىپ، باتىس-3- شاعىن اۋدانىنا ءۇشىنشى ادامعا ساتادى. يمانتايەۆ ءوز ماقساتىنا جەتۋ ءۇشىن ءوزىنىڭ قولاستىنداعى قىزمەتكەردى جۇمسايدى. ول بۇرىن قىلمىستىق كودەكستىڭ 178-بابى بويىنشا سوتتالعان باس مەنەدجەر مەدەۋبايەۆپەن كەلىسىپ، قىلمىستىق جوسپارىمەن بولىسەدى، - دەدى مەملەكەتتىك ايىپتاۋشى سوتتا.
سوت-مەديتسينالىق ساراپتاما كەزىندە قۇجاتتاردىڭ قايتا جاسالعانى، بەيمالىم ادامداردىڭ قۇجاتقا قول قويعانى انىقتالعان.
اقداۋلەت پەن اسىلوۆقا قول قويۋدى مىندەتتەيدى. ولار كەلىسپەيدى. امانوۆ ءوز ۇيىندە وتىرىپ، حاتتاماعا قول قويادى. كەيىن كەمالوۆ حاتتامانى راسىمدەپ الادى. ال، قول قويماعان ادامداردىڭ قولتاڭداسىن وزگە بىرەۋلەر قويىپ جىبەرگەن. سول كەزدەگى اقتوبە قالاسى اكىمىنىڭ دە شەشىمى قاتە بولعانى ايتىلدى.
2020-جىلى اكىمدىك بلاگودارنىي اۋىلىنداعى جەردى، كەيىن اتى وزگەرگەن سادوۆايا-507 مەكەنجايىنداعى اۋماقتى باتىس-3- شاعىن اۋدانىنداعى 9,8 گەكتار بولاتىن جەرگە الماستىرۋعا بولاتىن شەشىم شىعارادى. 2021-جىلدىڭ 28- ءساۋىرى كۇنى ەكونوميكالىق تەرگەۋ دەپارتامەنتى سوت الدى تەرگەۋ باستادى. ەرمەك يمانتايەۆ ول كەزدە قىزمەتىنەن كەتتى. 2022-جىلدىڭ اقپان ايىندا اقتوبە قالالىق جەر قاتىناستارى ءبولىمى بارلىق كەلىسىمشارتتى نەگىزسىز دەپ تانۋعا سوتقا ارىز تۇسىرەدى. سوت كەلىسىمشارتتى نەگىزسىز دەپ تانىپ، كۇشىن جويادى. 2022-جىلدىڭ ماۋسىم ايىندا اقتوبە قالاسى اكىمىنىڭ بۇرىنعى شەشىمى ءوز كۇشىن جويدى. ءسويتىپ، 2020-2022-جىلدارى ارالىعىندا يمانتايەۆ سول كەزدە «اقتوبە» ا ك ك» ا ق- نىڭ دەپارتامەنت باسشىسى بولعان مەدەۋبايەۆپەن بىرگە 199,4 ميلليون تەڭگە شىعىن كەلتىردى، - دەدى مەملەكەتتىك ايىپتاۋشى.
سوت وتىرىسى جالعاسىپ جاتىر. الدىمەن كۋاگەرلەردەن جاۋاپ الىندى.
