وڭتۇستىك قاراتۇرىن كەن ورنىنداعى ءورت قىركۇيەكتە ءسونۋى مۇمكىن

كومپانيا گاز فونتانىن جويۋعا 300 ميلليون تەڭگەدەن استام قارجى جۇمساعان. توتەنشە جاعدايعا بايلانىستى شىعىن كوبەيۋى مۇمكىن. ماماندار مەردىگەر مەكەمە قاجەتتى قۇجاتتاردىڭ جوقتىعىنان ءورت وشاعىنداعى كولبەۋ ۇڭعىمالاردى بۇرعىلاي الماي وتىرعانىن ايتادى.

«تەحنيكالىق تۇرعىدان ءبارى دايىن. كەشە ونەركاسىپتىك قاۋىپسىزدىك ينسپەكتورلارى، ەكولوگيا دەپارتامەنتى ماماندارىنىڭ قاتىسۋىمەن ىسكە قوسۋ كوميسسياسى بولدى. ونەركاسىپتىك قاۋىپسىزدىك ماماندارى بىزدەن كوبىرەك بۇرعىلاۋ ەرىتىندىسىن دايىنداۋدى سۇرادى. بۇل بۇرعىلاۋ ءۇشىن قاجەت جانە قوسىمشا قۇجاتتار پاكەتىن دە ۇسىندى. كەيبىر قاعازدار دايىن بولمادى. بۇرعىلاۋ كومپانياسىنىڭ ماماندارى، ءبىزدىڭ مەردىگەرلەر قۇجاتتاردى تولىعىمەن دايىنداپ تاپسىرۋى كەرەك»، - دەدى «بوزاشى مۇناي» ج ش س باس ديرەكتورىنىڭ ستراتەگيالىق دامۋ جونىندەگى ورىنباسارى دانيار دۇيسەمبايەۆ.

ەستەرىڭىزگە سالا كەتەيىك، ءورت «وڭتۇستىك قاراتۇرىن» مۇناي- گاز كەن ورنىندا 9- ماۋسىم ساعات 3.25 تە ۇڭعىمانى بۇرعىلاۋ جۇمىستارى كەزىندە، №303 ۇڭعىماداعى بۇرعىلاۋ قۇرالى كوتەرىلىپ كەتىپ، جەر استىنان گاز- سۋ قوسپاسى اتقىلاۋى سەبەبىنەن شىققان. ءبىر ادام زارداپ شەكتى.

كاسىبي اسكەريلەندىرىلگەن اۆاريالىق- قۇتقارۋ قىزمەتتەرىنىڭ رەسپۋبليكالىق ورتالىق شتابىنىڭ بولىمشەسى جاساقتاعان لينيا بويىنشا 13-ماۋسىمدا 302 تەكشە مەتر ەرىتىندى توگىلدى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى