الماتىدا نوسەر جاۋىن مەن داۋىل سالدارىنان اعاشتار قۇلادى
قالا تۇرعىندارى الەۋمەتتىك جەلىگە ۇلكەن شاڭدى داۋىل مەن قۇلاعان اعاش، قيراعان كولىكتەردىڭ فوتو، ۆيدەولارىن سالدى. الماتى قالالىق توتەنشە جاعدايلار دەپارتامەنتى قالادا جەلدىڭ كۇشەيۋىنە بايلانىستى (ەكپىنى - 15 م/س) 112 نومىرىنە تۇرعىنداردان اعاشتاردىڭ قۇلاعانى تۋرالى 6 حابارلاما تۇسكەنىن حابارلادى.
«زارداپ شەككەندەر تۋرالى اقپارات تۇسكەن جوق. وقيعا ورنىنا 109 قۇتقارۋ قىزمەتى، اكىمدىكتەردەن مەردىگەرلىك ۇيىمدار جىبەرىلدى. قۇلاعان اعاشتاردىڭ سانى وزگەرۋى مۇمكىن. بۇعان دەيىن قازگيدرومەتتەن نايزاعاي، باتىستان سەكۋندىنا 15 مەتر بولاتىن قاتتى جەل تۋرالى داۋىلدى ەسكەرتۋ جىبەرىلگەن بولاتىن. سونىمەن قاتار قازگيدرومەت 22- شىلدەگە - 35 گرادۋس قاتتى ىستىق جانە جوعارى توتەنشە قاۋىپ تۋرالى داۋىلدى ەسكەرتۋ بەردى»، - دەپ حابارلادى ت ج د- دان.
