قىرعىزستان قاتەلىك جاسادى - رەسەي سىرتقى ىستەر مينيسترلىگى
قىرعىزستان قاتەلىك جاسادى. بارلىق مەملەكەتتىك قىزمەتكەرلەرگە قىرعىز ءتىلىن ءبىلۋدى مىندەتتەۋى - دەموكراتياعا قايشى. مەملەكەتتىك قىزمەتكەرلەر قاتارىنا قاراپايىم دارىگەرلەر، مۇعالىمدەر مەن باسقا دا ماماندىق يەلەرى كىرەدى. قىرعىزستان كونستيتۋتسياسىندا ورىس ءتىلىنىڭ رەسمي ستاتۋسى بار. ءبىز قىرعىز ارىپتەستەرىمىزگە بىرنەشە رەت ەسكەرتۋ جاسادىق، - دەدى ول.
ەسكە سالا كەتسەك، قىرعىز رەسپۋبليكاسىنىڭ پرەزيدەنتى سادىر جاپاروۆ 17- شىلدەدە مەملەكەتتىك قىزمەتكەرلەردى قىرعىز ءتىلىن بىلۋگە مىندەتتەيتىن زاڭعا قول قويعان ەدى.
قىرعىزستان پارلامەنتىنىڭ دەپۋتاتتارى بيىل مامىر ايىندا ماقۇلداعان زاڭ بويىنشا، بۇدان بىلاي مەملەكەتتىك جانە جەرگىلىكتى ءوزىن-ءوزى باسقارۋ ورگاندارىندا، مەنشىك تۇرىنە قاراماستان بارلىق كاسىپورىندار مەن مەكەمەلەردە قىرعىز ءتىلىن قولدانۋ مىندەتتى سانالادى. بارلىق مەملەكەتتىك قىزمەتكەرلەر، دەپۋتاتتار، ۇلتتىق بانك قىزمەتكەرلەرى، كۇش قۇرىلىمدارى، سوت، پروكۋراتۋرا، ادۆوكاتتار، نوتاريۋستار، وقۋ ورىندارىنىڭ قىزمەتكەرلەرى، مەديتسينا قىزمەتكەرلەرى مەملەكەتتىك ءتىل - قىرعىز ءتىلىن بىلۋگە جانە قىزمەت مىندەتىن ورىنداۋ كەزىندە پايدالانۋعا ءتيىس.
