قازاقستاننىڭ ۋ ە ف ا كوەففيتسيەنتتەر رەيتينگىندەگى ورنى بەلگىلى بولدى

«توبىل» فۋتبول كلۋبى كونفەرەنتسيا ليگاسىنىڭ ەكىنشى ىرىكتەۋ راۋندىنا شىققانى جانە شۆەيتساريالىق «بازەلمەن» وينايتىنى حابارلانعان بولاتىن. كوماندالار ءبىرىنشى ماتچتى 27- شىلدە كۇنى شۆەيتساريادا وتكىزەدى. قارىمتا ماتچ 3- تامىز قازاقستاندا بولادى دەپ جوسپارلانعان.

سونىمەن قاتار 20- شىلدە كۇنى چەمپيوندار ليگاسىنىڭ ءبىرىنشى ىرىكتەۋ راۋندىنىڭ قارىمتا ماتچىندا «استانا» فۋتبول كلۋبى سىرت الاڭدا تبيليسسيلىك «دينامودان» باسىم ءتۇستى. وسىلايشا، «استانا» ىرىكتەۋدىڭ ەكىنشى راۋدىنا شىقتى. بۇل راۋندتا ول زاگرەبتىك «دينامومەن» كىم مىقتىنى انىقتايدى.

ۋ ە ف ا كوەففيتسيەنتى بىلاي قۇرالادى: وسى ماۋسىمداعى ورتاشا ۇپايعا (جينالعان ۇپاي سانى ەۋروماۋسىمعا قاتىسىپ جاتقان كلۋبتار قاۋىمداستىعىنىڭ سانىنا بولىنەدى) الدىڭعى ءتورت ماۋسىمنىڭ ناتيجەسى قوسىلادى. كوەففيتسيەنتتەر تەڭ بولعان جاعدايدا الدىڭعى ماۋسىمدا كوەففيتسيەنتى جوعارى بولعان قاۋىمداستىق جوعارى ورىنعا يە بولادى.

ۋ ە ف ا كوەففيتسيەنتتەرىنىڭ كەستەسى:

1. انگليا - 88.928 (2.000)

2. يسپانيا - 75.927 (2.500)

3. يتاليا - 71.569 (2,285)

4. گەرمانيا - 69,552 (2.285)

5. نيدەرلاند - 52.100 (0,800)

6. فرانسيا - 51,914 (1.333)

7. پورتۋگاليا - 46.649 (1.333)

8. بەلگيا - 34.400 (0.000)

9. شوتلانديا - 30.450 (0.800)

10. اۋستريا - 28.600 (0.800)

...

36. لاتۆيا - 9.750 (0.750)

37. كوسوۆو - 9.416 (0.875)

38. قازاقستان - 9.125 (0.750)

39. سولتۇستىك يرلانديا - 9.083 (1.000)

40. فارەر - 8.625 (1.000)

جاقشادا وسى ماۋسىمنىڭ رەيتينگى كورسەتىلگەن.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى