بايلانىس وپەراتورلارىنىڭ تاريفتى كوتەرۋىنە قاتىستى تەكسەرىس باستالدى
«بايلانىس وپەراتورلارىنىڭ تاريفتەردى ءوسىرۋ تۋرالى حابارلاماسى بويىنشا قازىر اگەنتتىك قۇزىرەتى شەڭبەرىندە ءتيىستى جۇمىس ءجۇرىپ جاتىر. تۇتىنۋشىلاردىڭ شاعىمدارى الىندى، ولاردىڭ نەگىزىندە سۇرانىستار جىبەرىلدى، باعالارعا مونيتورينگ جۇرگىزىلە باستادى. بۇل رەتتە اگەنتتىك مونوپولياعا قارسى زاڭنامانى بۇزۋ بەلگىلەرى بولعان كەزدە باعانى كوتەرۋدىڭ نەگىزدىلىگىن تەكسەرۋ بارىسىندا عانا بەلگىلەي الادى»، - دەلىنگەن حابارلامادا.
اقپاراتتا ايتىلعانداي، تاريفتەر نەگىزسىز كوتەرىلگەن بولسا، زاڭ بويىنشا اكىمشىلىك جاۋاپكەرشىلىك كوزدەلگەن.
«اكىمشىلىك قۇقىق بۇزۋ تۋرالى كودەكستىڭ 159-بابىنا سايكەس سۋبەكتىلەر ءوز ۇستەمدىگىن پايدالانىپ، جوعارى باعا بەلگىلەپ، ونى ۇستاپ تۇرۋ جاعدايى انىقتالسا، ايىپپۇل قاراستىرىلادى. زاڭ تالابىنا سايكەس مونوپوليالىق ادىسپەن تابىلعان جىل ىشىندەگى كىرىستەردىڭ بەس پايىزى تاركىلەنەدى» ، - دەيدى اگەنتتىكتەن.
ەسكە سالا كەتسەك، ۇيالى بايلانىس قىزمەتتەرىنىڭ قۇنىن مەملەكەت رەتتەۋى مۇمكىندىگى تۋرالى حابارلاعان ەدىك.
