قازاقستان ءدارى جاساۋ ءۇشىن ب ۇ ۇ- دان ەسىرتكى مەن پسيحوتروپتىق زاتتارعا كۆوتا ءبولۋدى سۇرادى

«سىرتقى ىستەر مينيسترلىگى وسى قاۋلىنىڭ قوسىمشاسىنا سايكەس، قازاقستان رەسپۋبليكاسىنا ارنالعان حالىقارالىق كۆوتالاردى ب ۇ ۇ- نىڭ ەسىرتكىنى باقىلاۋ جونىندەگى حالىقارالىق كوميتەتىنىڭ بەكىتۋى ءۇشىن ەسىرتكىگە جانە پسيحوتروپتىق زاتتارعا 2024 -جىلعا ارنالعان قاجەتتىلىك نورمالارىن بىرىككەن ۇلتتار ۇيىمىنىڭ ەسىرتكىنى باقىلاۋ جونىندەگى حالىقارالىق كوميتەتىنىڭ شتاب- پاتەرىنە جىبەرسىن. ىشكى ىستەر مينيسترلىگى حالىقارالىق كۆوتالاردى بەكىتكەننەن كەيىن ەسىرتكىگە، پسيحوتروپتىق زاتتار مەن پرەكۋرسورلارعا ليسەنزيالارى بار زاڭدى تۇلعالار ولاردىڭ اينالىمىن جۇزەگە اسىراتىن قاجەتتىلىك ەسەبىن بەلگىلەنگەن تارتىپپەن ۇكىمەتكە ەنگىزسىن»، - دەلىنگەن اشىق ن ق ا پورتالىندا جاريالانعان ۇكىمەت قاۋلىسىنىڭ جوباسىندا.

قۇجاتتا جازىلعانداي، كەلەر جىلى ەلىمىزدەگى 2 ۇيىم مەديتسينالىق ماقساتتا سينتەتيكالىق ەسىرتكى دايىنداۋعا مىنا مولشەردە كۆوتا سۇراپ وتىر:

- «حيمفارم» ا ق:

مورفين - 2429,637 كەلى؛

تريمەپەريدين - 9021,653 كەلى؛

فەنتانيل - 165,885 كەلى.

- «ۆيۆا فارم» ج ش س:

كودەين - 0,0003767 كەلى؛

مورفين - 1504,1 كەلى.

«قابىلدانىپ جاتقان شارالار ەسىرتكى مەن پسيحوتروپتىق زاتتار اينالىمى سالاسىنداعى مەملەكەتتىك باقىلاۋ نىساندارىنىڭ ءبىرى بولىپ سانالادى، بۇل بەكىتىلگەن نورماتيۆتەر شەگىندە زاڭدى ماقساتتار ءۇشىن پايدالانىلاتىن ەسىرتكى جانە پسيحوتروپتىق زاتتاردى بولۋدە مەملەكەتتىك جوسپارلاۋدى جۇزەگە اسىرۋعا مۇمكىندىك بەرەدى. وسى جوبا قازاقستاننىڭ ءوندىرۋشى كاسىپورىندارى مەن زاڭدى تۇلعالارىنىڭ 2024 -جىلعى ەسىرتكى مەن پسيحوتروپتىق زاتتار قاجەتتىلىگىن تولىعىمەن قامتاماسىز ەتۋگە باعىتتالعان. قازاقستاننىڭ ەسىرتكى مەن پسيحوتروپتىق زاتتارعا قاجەتتىلىك نورمالارىن ۇكىمەت جىل سايىن بەكىتەدى. وسى نورماتيۆتىك- قۇقىقتىق اكتىلەردىڭ نەگىزىندە ەلىمىزدە ەسىرتكىنىڭ، پسيحوتروپتىق زاتتار مەن پرەكۋرسورلاردىڭ مەملەكەتتىك كۆوتالارىن ءبولۋ جۇرگىزىلەدى»، - دەپ تۇسىندىرمە بەرىلگەن ۇكىمەت قاۋلىسىنا.

ب ۇ ۇ كۆوتانى ماقۇلداعان جاعدايدا، ەل ىشىندە مەديتسينالىق جانە عىلىمي ماقساتتارعا قولدانۋ ءۇشىن مىنا كولەمدە تومەندەگى پرەپاراتتار بولىنەدى:

- اتسەتيلديگيدروكودەين - 0,06 گرامم؛

- گەروين - 0,153 گرامم؛

- دەزومورفين - 0,02 گرامم؛

- كودەين - 60,8277 گرامم؛

- كوكاين - 0,023 گرامم؛

- مەتادون - 987,913 گرامم؛

- مورفين - 548,24 گرامم؛

- وكسيكودون - 803,44 گرامم؛

- ومنوپون - 441,19 گرامم؛

- تەباين - 7,024 گرامم؛

- تريمەپەريدين - 742,296 گرامم؛

- فەنتانيل - 347,8296 گرامم؛

- 3-مونواتسەتيل مورفين - 0,101 گرامم؛

- 6-مونواتسەتيل مورفين - 0,086 گرامم.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى