استانادا اتاۋلى الەۋمەتتىك كومەك الاتىندار سانى ازايىپ كەلەدى
بۇل تۋرالى استانا قالاسى جۇمىسپەن قامتۋ جانە الەۋمەتتىك قورعاۋ باسقارماسى باسشىسىنىڭ ورىنباسارى ايگۇل تالاسوۆا ايتتى، دەپ حابارلايدى قازاقپارات ءتىلشىسى.
ق ر الەۋمەتتىك كودەكسىنىڭ 120- بابىنا سايكەس، اتاۋلى الەۋمەتتىك كومەكتى الۋعا جان باسىنا شاققانداعى ورتاشا كىرىسى كەدەيلىك شەگىنەن اسپايتىن ق ر ازاماتتارى، ەلدە تۇراقتى تۇراتىن قانداستار، بوسقىندار، شەتەلدىكتەر جانە ازاماتتىعى جوق ادامدار قۇقىلى.
ق ر ەڭبەك جانە حالىقتى الەۋمەتتىك قورعاۋ ءمينيسترىنىڭ 2023-جىلعى 29- مامىرداعى 180№ بۇيرىعى بويىنشا، ا ا ك الۋعا ۇمىتكەرلەردىڭ جيىنتىق تابىسىن ەسەپتەۋ كەزىندە تابىستىڭ مىناداي تۇرلەرى ەسكەرىلەدى - ەڭبەكاقى، الەۋمەتتىك تولەم تۇرىندە الىناتىن كىرىستەر، ونىڭ ىشىندە كەيبىر الەۋمەتتىك تولەمدەر، 4 جانە ودان كوپ بالاسى بار وتباسىلارعا ارناۋلى الەۋمەتتىك جاردەماقى، كاسىپكەرلىكتەن تۇسەتىن كىرىس، جىلجىمايتىن مۇلىك پەن كولىك قۇرالدارىن جالعا بەرگەن جانە ساتۋدان تۇسكەن كىرىستەر، باعالى قاعازداردان تۇسەتىن كىرىستەر، جىلجىمايتىن مۇلىك پەن كولىك جانە باسقا مۇلىكتى سىيعا الۋ، مۇراگەرلىك جولىمەن الىنعان كىرىستەر، اقشالاي سالىمدار مەن دەپوزيتتەردەن سىياقىلار.
«بيىل استانا قالاسى بويىنشا كەدەيلىك شەگىنىڭ مولشەرى 37317 تەڭگەنى قۇراعان. جىل باسىنان بەرى ەلوردادا اتاۋلى الەۋمەتتىك كومەك 2809 وتباسىنا، ياعني 13,8 مىڭ ادامعا، ونىڭ ىشىندە 1361 كوپبالالى وتباسىنا (8,6 مىڭ ادام) تاعايىندالدى»، - دەدى ا. تالاسوۆا استانا كوممۋنيكاتسيالار قىزمەتىندە وتكەن بريفينگتە.
باسقارما وكىلى بيىل ا ا ك الۋشىلار سانى 2019-جىلمەن سالىستىرعاندا 2,3 ەسە (9,4 مىڭنان 4 مىڭ وتباسىنا دەيىن) تومەندەگەنىن اتاپ ءوتتى.
ءبىر جاستان التى جاسقا دەيىنگى ءار بالاعا قوسىمشا اقى تولەنەدى.
«جىل باسىنان اقشالاي تولەم تۇرىندە ا ا ك الۋشىلار قاتارىنان 4562 بالاعا 1,5 ا ە ك (5175 تەڭگە) مولشەرىندە قولداۋ رەتىندە قوسىمشا تولەم بەلگىلەۋ جولىمەن مونەتيزاتسيا جاسالدى. بۇل ااك الاتىن وتباسىلارعا ازىق-تۇلىك جيىنتىقتارىن ءوز بەتىنشە ساتىپ الۋعا مۇمكىندىك بەردى. قازاقستان رەسپۋبليكاسىنداعى كەدەيلىك شەگى مولشەرىن مەملەكەتتىڭ ەكونوميكالىق مۇمكىندىكتەرىنە قاراي پايىزدىق ماندە جان باسىنا شاققانداعى ەڭ تومەن كۇنكورىس دەڭگەيى نەگىزىندە ۋاكىلەتتى مەملەكەتتىك ورگان ايقىندايدى»، - دەيدى سپيكەر.
استانالىقتار ا ا ك تاعايىنداۋ ماسەلەسىن قاراۋ ءۇشىن بەيبىتشىلىك كوشەسى، 14 مەكەنجايىنداعى «جانۇيا» وتباسى ينستيتۋتىن قولداۋ ورتالىعىنا جۇگىنۋ قاجەت نەمەسە ەلەكتروندى ۇكىمەت پورتالى ارقىلى ءوتىنىم بەرۋى كەرەك.
