مارشال جۋكوۆ جاشىك-جاشىك كوكا-كولانى قالاي الدىرىپ ىشكەن؟
ەكىنشى دۇنيەجۇزىلىك سوعىس كەزىندە ەۋروپاداعى ا ق ش اسكەرلەرىنىڭ قولباسشىسى دۋايت ەيزەنحاۋەر مارشال جۋكوۆتى قوناق ەتىپ، كوكا-كولانى ىشكىزەدى. ءشولدى قاندىراتىن كوكا-كولا جۋكوۆقا قاتتى ۇناپ، دۋايت ەيزەنحاۋەردەن ءوز شتابىنا جەتكىزىپ تۇرۋدى وتىنەدى. ءبىراق ول امەريكالىق يمپەرياليزمنىڭ سيمۆولىنا اينالعان كوكا-كولانىڭ تابىنۋشىسى دەگەن اتقا قالماس ءۇشىن سۋسىندى اراق سەكىلدى ءتۇسسىز، ەلەۋسىز تۇردە جەتكىزۋدى سۇرايدى.
بۇل ءوتىنىشتى اياقسىز قالدىرماعان ا ق ش پرەزيدەنتى گارري ترۋمەن كوكا-كولا كورپوراسياسىنىڭ باسشىسى دجەيمس فارليمەن بايلانىسقا شىعادى. ول كەزدە كوكا-كولا ەۋروپا نارىعىن جاۋلاپ، 38 سۋسىن زاۋىتىن سالىپ جاتقان بولاتىن. تيىسىنشە، اۆسترياداعى كوكا-كولا زاۋىتىنا تاپسىرما بەرىلەدى. كوكا-كولا زاۋىتىنىڭ حيميكتەرى سۋسىننىڭ قارا ءتۇستى بوياعىشىن جوعالتىپ، ءتۇسسىز تۇردە اق بوتەلكەلەرگە قۇيىپ، سىرتىنان قىزىل جۇلدىزدىڭ بەلگىسىن جاپسىرىپ، 50 جاشىك اق كوكا-كولانى جۋكوۆقا جولداپ وتىرعان ەكەن.
