فرانسۋز عالىمى قازاقستان جايلى ماقالا جازدى
بەلگياداعى ليلل ۋنيۆەرسيتەتىنىڭ پروفەسسورى بيىل استانا ەكونوميكالىق فورۋمىنا قاتىسىپ، باسقوسۋدان العان اسەرى جايلى فرانسۋزدىڭ «تەلوس» ينتەللەكتۋالدى باسىلىمىنا كولەمدى ماقالا جاريالاعان.
عالىم زەرتتەۋىندە قازاقستاننىڭ قىتاي، ەۋروپالىق وداق، باسقا دا سەرىكتەستەرىمەن سىرتقى ساياساتتى ۇتىمدى جۇرگىزىپ وتىرعانىنا توقتالعان. گەوساياسي احۋالعا بايلانىستى «ترانسكاسپي كولىك ءدالىزىنىڭ» ماڭىزدىلىعى ارتقانىن ايتادى. پروفەسسور بولاشاقتا قازاقستان جايلى تاعى دا زەرتتەۋ ماتەريالدارىن جازۋدى كوزدەپ وتىر.
وليۆە اريفون، ليلل كاتوليك ۋنيۆەرسيتەتىنىڭ پروفەسسورى، زەرتتەۋشى:
زەرتتەۋىمدە قازاقستان ديپلوماتياسىنا كەڭىرەك توقتالدىم. ەلدەرىڭىز ەشكىمگە ۇقسامايتىن وزىندىك جولىن ىزدەستىرۋدە. الەم كارتاسىندا ويىپ تۇرىپ ورىن العان قازاقستان كوپشىلىككە سەنىمدى سەرىكتەس رەتىندە جاقسى تانىس. دەموكراتيالىق دامۋعا بەت بۇرعان ەلدەرىڭىزدە پارلامەنتتىڭ ىقپالى كۇشەيگەنى قۋانتادى. قازاقستان ەۋرووداقپەن، قىتايمەن اراداعى ىنتىماقتى كۇشەيتە وتىرىپ، بارلىق سەرىكتەستەرمەن تەڭ دارەجەدە ديالوگ قۇرىپ وتىر.
