بىردە-ءبىر مينيستر جاعاجايدا قىزدىرىنىپ جاتپاۋى كەرەك - قىرعىزستان ۇكىمەتى
مينيسترلەر كابينەتىنىڭ وتىرىسىندا قىرعىزستان مينيسترلەر كابينەتى باسشىسىنىڭ ورىنباسارى - ۇلتتىق قاۋىپسىزدىك مەملەكەتتىك كوميتەتىنىڭ ءتوراعاسى كامچىبەك تاشيەۆ وسىلاي ەسكەرتتى، دەپ حابارلايدى قازاقپارات «كابار» اگەنتتىگىنە سىلتەمە جاساپ.
«ءمينيستردىڭ كرەسلوسىندا وتىرعان كەزدە ىستىقكولدە دەمالىپ، ايتەۋىر ەرسىلى-قارسىلى بوس جۇرمەۋلەرىڭىز كەرەك. «ادامدار دەمالىپ جاتىر، مەن دە دەمالام» دەگەندى دوعارۋ قاجەت. ءبىز قىزۋ جۇمىس ىستەۋىمىز كەرەك، بىزدە دەمالىس بولماۋى ءتيىس. بىردە-ءبىر مينيستر جاعاجايدا كۇنگە قىزدىرىنىپ جاتپاۋى كەرەك. قۇرمەتتى مينيسترلەر، مۇندايدى كورمەيتىن بولايىن. مەن دە شارا قولدانام. ۇيلەرىڭىزدە دەمالىڭىزدار. مينيستر بولعان ەكەنسىزدەر، جۇمىس ىستەڭىزدەر. بىزدە دەمالىس بولمايدى»، - دەدى ول.
