الماتىدا اتاۋلى الەۋمەتتىك كومەككە قانشا ميلليارد تەڭگە بولىنگەنى بەلگىلى بولدى
سپيكەردىڭ سوزىنشە، الماتىدا اتاۋلى الەۋمەتتىك كومەك 48 مىڭنان استام ادامعا تاعايىندالدى، ونىڭ ىشىندە 37 مىڭنان استامى تولەم الدى. وسى ماقساتتارعا 4,5 ميلليارد تەڭگەدەن استام قارجى ءبولىندى كەدەيلىك شەگىن توقسان سايىن جەرگىلىكتى اتقارۋشى ورگاندار ەڭ تومەنگى كۇنكورىس دەڭگەيىنىڭ %70 مولشەرىندە بەلگىلەيدى.
الماتى قالاسىندا 2023-جىلدىڭ 3- توقسانىنداعى كەدەيلىك شەگى 34929 تەڭگە بولعان. ا ا ك- كە ۇمىتكەر تۇلعالار كونسۋلتاتسيا الۋ ءۇشىن جانە ارناۋلى الەۋمەتتىك كورسەتىلەتىن قىزمەتتەردى ۇسىنىلۋ شارتتارى تۋرالى اقپارات الۋعا، تۇرعىلىقتى تىركەلگەن مەكەنجايى بويىنشا مانساپ ورتالىعىنىڭ قىزمەتكەرلەرىنە جۇگىنە الادى نەمەسە ونلاين ءوتىنىش بەرۋىنە بولادى.
«ۇمىتكەرلەر ءوتىنىش بەرۋ ءۇشىن، تۇرعىلىقتى مەكەنجايعا تۇراقتى نەمەسە ۋاقىتشا تىركەلۋ قاجەت جانە ۋاقىتشا تىركەلگەن جاعدايدا ا ا ك - كە 6 اي وتكەن سوڭ عانا ءوتىنىش بەرە الادى. مەملەكەتتىك قىزمەت تولىق اۆتوماتتاندىرىلعان جانە سيفرلاندىرىلعان. اتاۋلى الەۋمەتتىك كومەكتى تاعايىنداۋ ءۇشىن قۇجاتتاردى قولما-قول وتكىزۋ تالاپ ەتىلمەيدى. ا ا ك تاعايىنداۋ ءۇشىن ۇمىتكەرلەرگە توقسان سايىن ءوتىنىش بەرۋى قاجەت»، - دەپ ءتۇسىندىردى الماتى قالاسى مانساپ ورتالىعىنىڭ جەتەكشىسى ادىلەت جاڭابايەۆ.
