ينۆەستوردىڭ مەمورگاندارعا قاتىستى شاعىمىن قارايتىن جۇمىس توبى قۇرىلادى
«وسى وكىمنىڭ قوسىمشاسىنا سايكەس قۇرامدا «ينۆەستورلاردىڭ مەملەكەتتىك ورگانداردىڭ ارەكەتتەرىنە نەمەسە ارەكەتسىزدىگىنە شاعىمدارىن قاراۋ ماسەلەلەرى جونىندەگى» تۇراقتى جۇمىس توبى قۇرىلسىن»، - دەپ جازىلعان اشىق ن ق ا پورتالىندا جاريالانعان ۇكىمەت وكىمىنىڭ-جوباسىندا.
بەلگىلى بولعانداي، بۇل باستاما ەلدەگى ينۆەستيتسيالىق ومبۋدسمەن ينستيتۋتىن نىعايتۋ ماقساتىندا ۇسىنىلىپ وتىر.
«جوبانى قابىلداۋ ينۆەستورلاردىڭ مەملەكەتتىك ورگانداردىڭ ارەكەتتەرى مەن ارەكەتسىزدىگىنە شاعىمدارىن ءتيىمدى قاراۋعا، سونداي-اق ينۆەستيتسيالىق ومبۋدسمەن ينستيتۋتىن نىعايتۋعا مۇمكىندىك بەرەدى»، - دەپ تۇسىندىرمە بەرىلگەن وكىمگە.
قۇجات 2- تامىزعا دەيىن كوپشىلىك تالقىلاۋدا بولادى.
ەسكە سالايىق، بۇعان دەيىن سىرتقى ىستەر ءمينيسترىنىڭ ورىنباسارى الماس ايداروۆ ەل ەكونوميكاسىنا ەڭ كوپ ينۆەستيتسيا سالعان توپ-10 ەلدى اتاعان ەدى. ولار قازاقستان ەكونوميكاسىنا 28 ميلليارد دوللارعا جۋىق قاراجات باعىتتاعان.
