قالدىققا ارنالعان كونتەينەرلەرگە قاتىستى جاڭا تالاپتار ەنگىزىلدى

قازستاندارتپەن بىرلەسىپ، 102 ستاندارتتاۋ جونىندەگى تەحنيكالىق كوميتەت قالدىقتاردى باسقارۋ سالاسىن دامىتۋدا جانە قالدىقتاردى كادەگە جاراتۋ مەن قايتا وڭدەۋ ءۇشىن ەكولوگيالىق قاۋىپسىز ينفراقۇرىلىم قۇرۋدا ماڭىزدى قادام بولاتىن وسى ستاندارتتى ازىرلەدى.

جاڭا ستاندارتتىڭ نەگىزگى تالاپتارى - ەلدى مەكەندەردە عيماراتتاردىڭ، كوپپاتەرلى جانە جەكە تۇرعىن ۇيلەردىڭ جانىندا كونتەينەر الاڭدارىن سالۋ (رەكونسترۋكتسيالاۋ)، سونداي- اق تۇرعىن جانە قوعامدىق عيماراتتاردان، بالالار وبەكتىلەرىنەن، سپورت الاڭدارىنان جانە حالىقتىڭ دەمالاتىن ورىندارىنان سانيتاريالىق الشاقتىقتى قامتاماسىز ەتۋ. بۇدان باسقا، مامانداندىرىلعان كولىك ءۇشىن ىڭعايلى اسفالتتالعان كىرەبەرىس، قۇرىلىس جانە ءىرى گاباريتتى قالدىقتار ءۇشىن جابىنى مەن قورشاۋى بار اۋدانى 12 شارشى مەتردەن كەم ەمەس ورىنداردى قۇرۋ كوزدەلەدى، - دەپ ءمالىم ەتىلگەن قازستاندارت حابارلاماسىندا.

جاڭا ستاندارتقا سايكەس، قۇرىلعان الاڭداردا قالدىقتاردىڭ مىناداي تۇرلەرىن بولەك جيناۋعا ارنالعان كونتەينەرلەر ورنالاستىرىلۋعا ءتيىس:

- ەلەكتروندى قالدىقتارعا ارنالعان كونتەينەر

- قۇرامىندا سىنابى بار قالدىقتاردى جيناۋعا ارنالعان كونتەينەر

- قاعاز جانە كارتون قالدىقتارىنا ارنالعان كونتەينەر

- باتارەيا قالدىقتارىنا ارنالعان كونتەينەر

- تاماق قالدىقتارىنا ارنالعان كونتەينەر

- شىنىعا ارنالعان كونتەينەر

- پلاستيكالىق قالدىقتارعا ارنالعان كونتەينەر.

قالدىقتاردى بولەك جيناۋعا ارنالعان ءاربىر كونتەينەردىڭ مەنشىك يەسى قازاق جانە ورىس تىلدەرىندە، مىناداي اقپاراتتى تاڭبالاۋى قاجەت: جينالاتىن قالدىقتاردىڭ تۇرلەرى كورسەتىلگەن اقپاراتتىق جاپسىرما/جازبا؛ كونتەينەر مەنشىك يەسى تۋرالى دەرەكتەر (اتاۋى، بايلانىس دەرەكتەرى)؛ كونتەينەرگە قىزمەت كورسەتەتىن ۇيىم تۋرالى اقپارات.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى