انتيكور بىلتىر قانشا ميلليارد تەڭگەنىڭ اكتيۆىن مەملەكەتكە قايتارعانى انىقتالدى

سىبايلاس جەمقورلىققا قارسى ءىس-قيمىل اگەنتتىگىنىڭ 2022-جىلعى سىبايلاس جەمقورلىققا قارسى ءىس-قيمىل تۋرالى ۇلتتىق بايانداماسىندا وسى جانە وزگە دەرەكتەر كەلتىرىلگەن.

«جالپى، اگەنتتىك 653 ميلليارد تەڭگەگە جۋىق سوماداعى مۇلىكتىك اكتيۆتەر مەن اقشالاي قاراجاتتى قايتاردى. سىبايلاس جەمقورلىق قىلمىسى تۋرالى حابارلاعانى ءۇشىن 134 ادامعا 40,6 ميلليون تەڭگە سىياقى تولەنىپ، 7 مەملەكەتتىك قىزمەتشى گراموتامەن ماراپاتتالدى»، - دەپ جازىلعان ۇلتتىق باياندامادا.

اگەنتتىكتىڭ مالىمەتى بويىنشا، 2022-جىلى 83 ادام ىزدەستىرىلگەن.

«قابىلدانعان شارالاردىڭ ارقاسىندا ولاردىڭ سانى 59 عا دەيىن ازايدى. ەلدىڭ شەگىنەن تىس جەردە 6 ادام ۇستالدى، ولاردىڭ بىرەۋى 11 جىلدان استام ىزدەۋدە بولعان»، - دەلىنگەن رەسمي مالىمەتتە.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى