شەتەلدەن ينۆەستيتسيا تارتۋ بويىنشا قازاقستان ورتالىق ازيادا كوش باستاپ تۇر

بۇل تۋرالى ورتالىق كوممۋنيكاتسيالار قىزمەتىندە وتكەن بريفينگىدە سىرتقى ىستەر ءمينيسترىنىڭ ورىنباسارى الماس ايداروۆ ءمالىم ەتتى، دەپ حابارلايدى قازاقپارات ءتىلشىسى.

«سىرتقى ىستەر مينيسترلىگىنىڭ ينۆەستيتسيالاردى تارتۋ جونىندەگى جەمىستى جۇمىسىنىڭ قورىتىندىلارى جاقىندا يۋنكتاد- نىڭ 2023 -جىلعى الەمدىك ينۆەستيتسيالار تۋرالى بايانداماسىندا كورسەتىلدى. تەڭىزگە شىعا المايتىن 32 دامۋشى ەلگە تارتىلعان تىكەلەي شەتەلدىك ينۆەستيتسيا بويىنشا %6 عا ءوسىم بايقالادى. ولاردىڭ ىشىندە ەڭ ۇلكەن كولەم قازاقستانعا تيەسىلى. سونداي- اق قازاقستان پوستكەڭەستىك كەڭىستىكتىڭ 15 ەلى اراسىندا جانە ورتالىق ازيادا %61 ۇلەسپەن ينۆەستيتسيا تارتۋ بويىنشا جەتەكشى ورىنعا يە بولدى. بۇل رەتتە، وزبەكستان - 2,5 ميلليارد دوللار، ليتۆا - 2,2 ميلليارد دوللار، بەلارۋس - 1,6 ميلليارد دوللار، لاتۆيا - 1,5 ميلليارد دوللار، ەستونيا - 1,2 ميلليارد دوللار، تۇرىكمەنستان - 936 ميلليون دوللار، ۋكراينا - 848 ميلليون دوللار ينۆەستيتسيا تارتقان»، - دەدى ءمينيستردىڭ ورىنباسارى.

ونىڭ سوزىنشە، بىلتىر قازاقستانعا تارتىلعان تىكەلەي شەتەلدىك ينۆەستيتسيالار كولەمى 28 ميلليارد دوللارعا جەتكەن. بۇل 2021 -جىلعى كورسەتكىشتەردەن %17,7 عا ارتىق. الماس ايداروۆتىڭ ايتۋىنشا، اتالعان مەجە كەيىنگى 10 جىلداعى رەكوردتىق كورسەتكىش. ياعني، سوڭعى رەت ەڭ كوپ ينۆەستيتسيا 2012 -جىلى تارتىلعان. وندا قاراجاتتىڭ جالپى كولەمى 28,9 ميلليارد دوللار بولعان ەدى.

اۆتور:

ءاليحان اسقار

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى