سىرىم ءشارىپحانوۆ قولاستىنداعىلاردىڭ جەمقورلىقپەن ۇستالۋى جايىندا: اشكەرەلەۋگە ءبىز دە كومەكتەستىك
«بۇل فاكتىلەر مينيسترلىك پەن انتيكوردىڭ بىرلەسكەن جۇمىسىنىڭ ارقاسىندا انىقتالدى. قازىر تەرگەۋ امالدارى جۇرگىزىلىپ جاتىر. تەرگەۋ اياقتالعان سوڭ ءتيىستى شەشىم شىعادى»، - دەدى مينيستر.
بۇعان دەيىن حابارلانعانداي، جاسىرىن جۇرگىزىلگەن ءىس-شارالاردىڭ ناتيجەسى بويىنشا ت ج م ورتكە قارسى قىزمەت كوميتەتىنىڭ ءتوراعاسى، شىمكەنت قالاسى مەن جەتىسۋ وبلىسى بويىنشا ت ج د باستىقتارى پاراقورلىقپەن اشكەرەلەنگەن.
ولار ورتكە قارسى قاۋىپسىزدىك سالاسىنداعى قامقورلىعى ءۇشىن كاسىپكەرلەردەن جۇيەلى نەگىزدە پارا الىپ، تەكسەرىلەتىن ۇيىمداردى كەلىسىمشارت جاساۋ ارقىلى ولاردىڭ قىزمەتتەرىن ساتىپ الۋعا جانە ۋاقتىلى اقى تولەۋگە ماجبۇرلەگەن دەپ كۇدىكتەنەدى.
پارا سوماسى - 100 مىڭنان 4 ميلليون تەڭگەگە دەيىن.
بۇدان باسقا، ت ج م ورتكە قارسى قىزمەت كوميتەتىنىڭ ءتوراعاسى زاڭسىز اقشالاي سىياقى ءۇشىن ۇلىتاۋ وبلىسى بويىنشا ت ج د باسشىلارىنىڭ بىرىنە قامقورشىلىق جاساعان. كۇدىكتىلەر ۇستالىپ، يزولياتورعا قامالدى.
