بۇدان بىلاي تەلەفون ءنومىرىن تىركەمەس بۇرىن اۋەلى ادامنىڭ بەت- الپەتىن سكانەرلەيدى
اشىق تالقىعا شىعارىلعان «بايلانىس قىزمەتتەرىن كورسەتۋ قاعيدالارىن بەكىتۋ تۋرالى» مينيستر بۇيرىعى «بيومەتريالىق دەرەكتەر» تەرمينىمەن تولىققان.
ول - ابونەنتتىڭ فيزيولوگيالىق جانە بيولوگيالىق ەرەكشەلىكتەرىن سيپاتتايتىن دەربەس مالەمەتتەر.
«ابونەنتتىك قۇرىلعىلار رەسپۋبليكا ازاماتتارىنىڭ كۇندەلىكتى ءومىرىنىڭ اجىراماس بولىگىنە اينالدى. قازىرگى ۋاقىتتا بايلانىس وپەراتورلارى ۇيالى بايلانىس ابونەنتتەرىن دۇرىس سايكەستەندىرۋسىز ونلاين سەرۆيس ارقىلى تىركەيدى. بۇل پروبلەمانى ابونەنتتىك نومىرلەرگە باسقا ادامداردىڭ دەربەس دەرەكتەرىن تىركەيتىن جانە قارجى سەكتورىندا قىلمىس جاسايتىن الاياقتار پايدالانادى. وسىلايشا، قۇقىق قورعاۋ ورگاندارىندا جەدەل- ىزدەستىرۋ ءىس- شارالارىن جۇرگىزۋ كەزىندە دۇرىس اقپارات بولمايدى. وسى قىلمىستاردى ازايتۋ جانە الدىن الۋ ماقساتىندا بيومەتريالىق سايكەستەندىرۋ ارقىلى ابونەنتتەردى تىركەۋ قاجەتتىگى تۋرالى شەشىم قابىلداندى»، - دەلىنگەن اشىق ن ق ا پورتالىندا جاريالانعان مينيستر باعدات مۋسيننىڭ بۇيرىق- جوباسىندا.
جاڭا تالاپ ەنگىزىلسە، وندا ۇيالى بايلانىس وپەراتورلارى ابونەنتتەردەن بيومەتريالىق دەرەكتەردى (ادامنىڭ بەت- الپەتى) جيناپ، كەيىن وعان قىزمەت كورسەتۋ شارتىن جاساسادى.
بۇيرىق جوباسى 3- تامىزعا دەيىن كوپشىلىك تالقىدا بولادى.
