ءتورت مينيسترلىك ارحيۆكە تاپسىرىلۋى ءتيىس قۇجاتتاردى ءجيى جوعالتادى

«جەرگىلىكتى اتقارۋشى ورگانداردىڭ ساراپتامالىق-تەكسەرۋ كوميسسيالارىنىڭ وتىرىستارىندا قۇجاتتاردىڭ جوعالۋ فاكتىلەرى انىقتالادى. بۇعان بىلىكتىلىگى تومەن مامانداردىڭ قۇجاتتاردى ساپاسىز رەتكە كەلتىرۋى سەبەپ. ماسەلەن، ادىلەت مينيسترلىگىنىڭ ءۇش قۇرىلىمدىق بولىمشەسىندە 2010-2016-جىلدارى 317 قۇجات جوعالۋ فاكتىسى انىقتالدى. اۋىل شارۋاشىلىعى مينيسترلىگىندە – 195، يندۋستريا جانە ينفراقۇرىلىمدىق دامۋ مينيسترلىگىندە – 47، قارجى مينيسترلىگىندە - 4 قۇجات جوعالعان. بۇل وسى ۇيىم قىزمەتكەرلەرىنىڭ جۇمىس ءوتىلىن، جالاقى مولشەرىن جانە زەينەتاقى قورىنا اۋدارىمىن راستاي الماۋىنا اكەپ سوعادى»، - دەلىنگەن مينيسترلىك دەرەكتەرىندە.

سونىمەن بىرگە، بۇگىندە ارحيۆ قۇجاتتارىنىڭ %97,8 ءورت قاۋىپسىزدىگى تومەن عيماراتتاردا ساقتاۋلى تۇرعانى ءمالىم بولدى.

تاعى ءبىر ماسەلە - ەلىمىزدەگى مۇراعاتتاردا قۇجات قابىلدايتىن ورىن تاپشى.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى