ايەلىمەن ۇرسىپ قالعان اقتوبەلىك كوشەدە بەيتانىس ادامعا وق اتتى
ول ىشىمدىك ءىشىپ، ايەلىمەن ۇرسىپ قالعان، دەپ حابارلايدى قازاقپارات ءتىلشىسى.
وقيعا تۇندە ساعات 02:00 شاماسىندا تىركەلدى.
پوليتسيانىڭ 102 پۋلتىنە حرومتاۋ قالاسى جۇبانوۆ كوشەسىندەگى ءۇيدىڭ اۋلاسىندا بەلگىسىز ادامعا وق اتىلعانى تۋرالى حابار ءتۇستى.
«كۇدىكتىنى ۇستاۋ ءۇشىن وقيعا ورنىنا دەرەۋ پوليتسيا جاساعى جىبەرىلدى. پوليتسيا كاپيتانى ماقسات داستان مەن پوليتسيا اعا لەيتەنانتى جىلقايدار جۇلدىزبەك ءوز ءومىرىن قاتەرگە تىگىپ، وق اتقان ادامدى ۇستادى. ول حرومتاۋ قالاسىنىڭ 50 جاستاعى تۇرعىنى بولىپ شىقتى. بەلگىلى بولعانداي، كۇدىكتى ايەلىمەن جانجالداسىپ، كەيىن كوپقاباتتى ءۇيدىڭ اۋلاسىنا شىققان. ءوتىپ بارا جاتقان ادامعا وق اتقان. جابىرلەنۋشى يىعىنان جاراقات الدى»، - دەدى وبلىستىق پ د باسپا ءسوز قىزمەتى.
ايتا كەتەيىك، قىلمىستىق كودەكستىڭ «بۇزاقىلىق» بابى بويىنشا قىلمىستىق ءىس قوزعالدى. سوتقا دەيىنگى تەرگەۋ جۇرگىزىلىپ جاتىر.
ەسكە سالساق، اقتوبەدە تۇنگى كلۋبتاعى ەكى ادامنىڭ ولىمىنە قاتىستى ءىس سوتقا ءتۇستى.
بارلىعى 16 ايىپتالۋشى قىلمىستىق كودەكستىڭ بىرنەشە بابى بويىنشا جاۋاپ بەرەدى. وقيعا بىلتىر قازان ايىندا بولدى.
اقتوبەدەگى ەلەك وزەنىنىڭ جاعاسىنان ەكى ادامنىڭ دەنەسى تابىلدى.
ەكەۋىن دە قيناپ ولتىرگەن. اقتوبە وبلىسى پروكۋرورىنىڭ كومەكشىسى وركەن ەشانوۆتىڭ حابارلاۋىنشا، حابار الدىمەن قالالىق پوليتسيا ءبولىمى جەدەل باسقارۋ ورتالىعىنا تۇسكەن.
Посмотреть эту публикацию в Instagram
