قازاقستانداعى ەڭ ۇزىن كوپىردىڭ قۇرىلىسى ۋاقتىلى اياقتالماۋى مۇمكىن
بۇقتىرما سۋ قويماسى ارقىلى وتەتىن كوپىر پرەزيدەنت قاسىم- جومارت توقايەۆتىڭ تاپسىرماسىمەن 2021 -جىلى سالىنا باستاعان.
بۇل - قازاقستانداعى ەڭ ۇزىن كوپىر بولاتىنى، جالپى ۇزىندىعى - 1316 مەتردى قۇرايتىنى ايتىلعان ەدى.
جوسپار بويىنشا كوپىر قۇرىلىسى 2024 -جىلعا دەيىن اياقتالۋى ءتيىس بولاتىن.
ءبىراق ءبىر جىلدىڭ ىشىندە كوپىر سالىنىپ بىتپەيتىن سەكىلدى. بۇعان سەبەپ - قارجى ماسەلەسى. كوپىردىڭ قۇرىلىسىنا رەسپۋبليكالىق بيۋدجەتتەن قارجى ءبولىنۋى قاجەت.
ش ق و اكىمدىگىندە وتكەن ءماسليحات سەسسياسىندا ايماق باسشىسى ەرمەك كوشەربايەۆ بۇل اسا ماڭىزدى كوپىر قۇرىلىسى مىندەتتى تۇردە اياقتالاتىنىن ايتتى.
«كوپىرگە رەسپۋبليكالىق بيۋدجەتتەن قاراجات ءبولىنۋى ءتيىس. الايدا قازىرگى ۋاقىتتا قارجىلاندىرۋ ماسەلەسى ناقتى شەشىمىن تاپقان جوق. ءبىراق ۇكىمەتپەن كەلىسسوزدەر جۇرگىزىلۋدە. سوندىقتان قۇرىلىس جۇمىستارى مىندەتتى تۇردە اياقتالادى. ءبىراق قاراجاتتىڭ قاشان بولىنەتىنى ازىرگە بەلگىسىز»، - دەيدى ول.
ەسكە سالساق، بيىل كوكتەمدە بۇقتىرما ارقىلى وتەتىن كوپىر قۇرىلىسىنا تاعى 15 ميلليارد تەڭگە قاجەتتىگى حابارلانعان.
