كەزدەيسوق ءولىم
الايدا كەيبىر دامىعان ەلدەردە ءولىم قۇشۋ كەيدە تۇككە تۇرعىسىز جاعدايدا ورىن الادى ەكەن. وعان قاراعاندا ءبىزدىڭ ەلدە ءتارتىپ پەن يمان بار.
ءيا، كۇلەتىن جاعداي ەمەس. ويتكەنى ءولىم - قاي كەزدە دە قابىرعانى قاۋساتار قاسىرەت، ورنى تولماس اۋىر قايعى. الەمدە كۇنىنە ميلليونداعان ادام ءوز اجالىنان ەمەس، ومىردەن كەزدەيسوق تا ءوتىپ جاتادى. وعان سەبەپ تە، سالدار دا كوپ. تەك ادامنىڭ دۇنيەدەن ەرتە كەتۋى قىنجىلتادى. بۇگىن كەزدەيسوق ولىمدەردىڭ ءبىرقاتارى تۋرالى ايتۋدى ءجون كوردىك. مۇنىڭ وزگەلەر ءۇشىن ساباق بولار تۇستارى دا بار.
99 جاستاعى نيۋبرافتون تۇرعىنى دەببي ميللز قىزى ەكەۋى قولاربامەن كادىمگى قارا جولدان ءوتىپ بارا جاتقاندا قازا تابادى. جۇك كولىگى تۋرا اربانى سوققان. ءبىر كۇننەن سوڭ 100 جاسقا تولعانىن تويلاعالى وتىرعان قاريا سالتاناتقا ارناپ ساتىپ العان تورتىنان دا اۋىز تيۋگە ۇلگەرمەگەن.
42 جاستاعى پيتەر ستوۋن 8 جاستاعى قىزى سامانتانى «جازالاۋ» ءۇشىن كەشكى اسىن بەرمەي قويادى. اشۋعا بۋلىققان قىزى اكەسى اس ازىرلەپ جۇرگەندە كوفەسىنە بىلدىرتپەي اتجالمان ۋلايتىن ءدارى قوسىپ جىبەرەدى. اكەسى ءتىل تارتپاي كەتىپتى.
ون جەتى جاستاعى داۆيد دەنيل ءوزى ەس-ءتۇسسىز عاشىق بولعان قىزدىڭ قولىنان قازا تاپتى. كەس-كەستەپ الدىنان شىعاتىن جىگىتتەن قالاي قورعانۋدى سۇراعاندا، اكەسى وعان قارۋ بەرىپ، قورقىتىپ قويۋدى ەسكەرتىپتى. وكىنىشكە قاراي، قىز جىگىتىن ءبىر وقپەن جەر جاستاندىرعان.
جيىرما جەتى جاستاعى حاۆەر حالوس 8 جىل پاتەراقىسىن تولەمەگەنى ءۇشىن ءۇي قوجايىنىنىڭ قولىنان ءولىم قۇشتى. ول پاتەردى جالعا العان جىگىتتى قانشا قورلاسا دا سوڭعى رەت پاتەراقىنى قاشان تولەگەنىن ەسىنە تۇسىرە الماپتى. سول كۇيىندە دۇنيەدەن وتكەن.
44 جاستاعى مەگان فراي كوشە كۇزەتىندە جۇرگەن پوليسەيلەردىڭ قولىنان ولگەن. ساقشىلاردى كورگەن ول الدىنان جۇگىرىپ شىعىپ، «قولدارىڭدى كوتەرىڭدەر!» دەپ ازىلدەمەكشى بولادى. الايدا مۇزداي قارۋلانعان جىگىتتەر وقتا قارشا بوراتادى. ناتيجەسىندە 67 وقتىڭ 40 ى نىساناعا ءدال تيگەن.
اسكەري سەرجانت دجون دجو ۆينتەر كوزىنە ءشوپ سالعانى ءۇشىن ايەلىن «تاۋرۋس» فورد كولىگىنىڭ جۇك قويماسىنا سالىپ، 750 كەلى جارىلعىش زات سالىنعان تەمىر تۇلپارىن قالا سىرتىنا اپارىپ ورتەپ جىبەرگەن. جارىلىستىڭ كۇشتىلىگى سونداي، داۋىس 14 شاقىرىم جەردەن ەستىلىپتى. ال وقيعا بولعان ورىندا 55 مەتر تەرەڭ ور قالىپتى.
35 جاستاعى پاتتي ۆينتەرگە جەكسەنبى كۇنى تاڭەرتەڭ كورشىسى قول جۇمساپتى. سەبەبى كورشىسى فلەت حەيم ءۇي ارتىنداعى اۋلادا كوپ جىلدان بەرى «فانتوم» F4 رەاكتيۆتى يسترەبيتەلىنىڭ موتورىن ساقتاپ، ونى سىناقتان وتكىزىپ كەلگەن. قۇلاق تۇندىراتىن موتور داۋىسى پاتتيدىڭ جۇيكەسىن جۇقارتقان. مۇنداي جەردە كىم شاعىمدانباسىن، ۇنەمى پوليسيا شاقىرتا بەرەتىن كورشىسىنەن قۇتىلۋ ءۇشىن فلەت ۆينتەردى ۇيىنە شايعا شاقىرادى. ول جاقىنداعاندا موتوردى ىسكە قوسادى. 5000 گرادۋس تولقىن كۇشىنە شىداي الماعان كورشىسى تاباندا كوز جۇمىپتى.
50 جاستاعى الەكس ميتچەلل 1975 - جىلى BBC تەلەارناسى ارقىلى بەرىلەتىن تەلەسەريالدى كورۋ بارىسىندا ءبىر ازىلگە ىشەك-سىلەسى قاتا كۇلگەنى سونداي، جۇرەگى توقتاپ قالىپتى. بارىنەن دە قىزىعى، ايەلى كۇيەۋىن جەرلەگەن سوڭ، سوڭعى مينۋتتاردا كۇيەۋىنىڭ باقىتتى كۇي كەشكەنى ءۇشىن شوۋدى ۇيىمداستىرعان اكتەرلەرگە العىس ايتىپ، حات جولداپتى.
فرانسيادا جەرلەۋ بيۋروسىنىڭ يەسى مارك بۋردجاد جۇمىسىندا «ورتەنىپ» كەتكەن. انىعىراق ايتقاندا، دۇكەن ءىشىندە قۇلاپ كەتكەن تابىت ونى كەۋدەسىنەن باسىپ قالادى. مسە بۋردجاد ءوزىن جانشىپ قالعان تابىتپەن جەرلەنگەن.
1988 - جىلى تاجىريبەلى سكايدايۆەر يۆان ماكگۋايەر سولتۇستىك كارولينادا 3000 مەتر بيىكتەن سەكىرىپ، وسى كورىنىستى ءتۇسىرىپ الۋ ءۇشىن ارنايى كامەرا الا شىعادى. وكىنىشكە قاراي، بيىكتەن سەكىرگەندە عانا پاراشيۋت الۋ ەسىنە ءتۇسىپتى.
كەيدە جاقسىلىق جاسايمىن دەپ جاماندىققا دا ۇرىناتىن كەز بولادى. بەلگيا اۋە كۇشتەرىنىڭ ۇشقىشتارى سۋداندى اشتىقتان قۇتقارۋ جۇمىسىنا بارادى. ولار ەلدى مەكەندەرگە ۇشاقتان گۋمانيتارلىق جۇك لاقتىرادى. ءبىراق سۋداندىق ءۇش ادام ۇشاقتان لاقتىرىلعان تاماق پەن كيىم-كەشەكتىڭ استىندا قالىپ ولگەن.
بەلگيادا فەرمادا تۇراتىن 18 جاستاعى جىگىت ءوز ۇيىنەن 900 شاقىرىم قاشىقتان جەتكەن ولىمنەن امان قالا المادى. ناقتىراق ايتساق، پولشا اۋماعىندا ۇشىپ جۇرگەن ميگ يسترەبيتەلىنەن اقاۋ شىعىپ، ۇشقىش اۆتوماتتى تۇردە سەكىرىپ كەتەدى. باسقارۋسىز ۇشقان ۇشاق كورشى ەل - بەلگيانىڭ اۋماعىنا دەيىن ۇشىپ كەلىپ، ايدالاداعى بالانىڭ ۇستىنە قۇلاعان.
2001 - جىلى اريزونا شتاتىندا رودجەر ۋوللەستىڭ دە اجالى ۇشاقتان بولعان. ول ەندى الگىندەي جىلدام ۇشاتىن ەمەس، ويىنشىق ۇشاق. ول راديومەن باسقارىلاتىن سالماعى 3 كەلىلىك ۇشاقتى كوككە سامعاتادى. الايدا كوزى كۇنگە شاعىلىسىپ، ۇشاقتى باسقارا الماي قالادى. ساعاتىنا 65 شاقىرىم جىلدامدىقپەن زىمىراعان ويىنشىق تۋرا رودجەردىڭ باسىنا سوقتىعىسىپتى.
كامەرۋندىق ۇرى گەنري مبونگو دەگەن ازامات بازاردان تاۋىق ۇرلايدى. الايدا ول قولعا ءتۇسىپ قالادى. جينالعان جۇرت ۇرىعا تاۋىقتى تىرىدەي جەگىزەدى. سۇيەك-ساياعىن دا قالدىرماعان ول ءومىرباقي ۇرلىق جاسامايتىن ومىرگە اتتانادى.
جوكەي جارىسىندا فرەنك حەيس جۇرەك تالماسىنا ۇشىرايدى. ءبىراق ونىڭ سۆيت كيس اتتى جىلقىسى توقتاۋسىز ءبىرىنشى بولىپ كەلەدى. وسىلايشا حەيس الەمدە ءولىپ قالسا دا ات جارىسىندا ءبىرىنشى بولىپ كەلگەن ادام رەتىندە تاريحتا قالدى.
Tour de France (ليۋكسەمبۋرگ) ۆەلوجارىسىنىڭ جەڭىم-پازى فرانسۋا فابەر ءبىرىنشى دۇنيەجۇزىلىك سوعىس كەزىندە جەرتولەدە جەر جاستانعان. ايەلىنىڭ قىز تۋعانى تۋرالى جەدەلحات العان ول قاتتى قۋانىپ، سىرتقا اتىپ شىققاندا نەمىس مەرگەندەرى اتىپ ءتۇسىرىپتى.
جازۋشى شەرۆۋد اندەرسون ءبىر كەشتە بايقاۋسىزدا ءتىس تازالاعىشتى جۇتىپ ءولىپتى.
ەسكەك ەسۋدەن وليمپيادا چەمپيونى ۆلاديمير سميرنوۆ مي جاراقاتىنان كوز جۇمدى. جارىس كەزىندە قارسىلاستارىنىڭ ءبىرى ونىڭ كوزىن جاراقاتتايدى. وكىنىشتىسى كوزىنە تيگەن زات ونىڭ ميىنا دەيىن جەتكەن.
اتاقتى شاراپ زاۋىتىنىڭ ىرگەتاسىن قالاعان دجەك دەنيەلس قان بۇزىلۋىنان ولگەن. ول بىردە سەيفتىڭ كودىن ۇمىتىپ قالىپ، تەمىردى اياعىمەن ءبىر تەبەدى. جاراقاتتانعان بارماعى اسقىنىپ، دەرت قانعا تاراپ كەتەدى.
1943 - جىلى امەريكالىق بومبالاۋشى B-24 ۇشاعى ليۆيانىڭ جازىق دالاسىنا اپاتتى جاعدايدا قونادى. ەكيپاج مۇشەلەرىنىڭ بارلىعى اپتاپ ىستىقتا شولدەن قاتالاپ ولەدى. ولاردىڭ مۇردەلەرى تەك 1960 - جىلى تابىلعان.
29. قىتاي اقىنى لي پو - ادەبيەت تاريحىندا قالعان ەكى اقىننىڭ ءبىرى. ىشىمدىككە وتە اۋەس ول بىردە تۇندەلەتىپ قايىقپەن يانجى وزەنىندە شابىت شاقىرىپ جۇرەدى. ءتىپتى سۋ بەتىندەگى اي ساۋلەسىن سۇيمەك تە بولادى. الايدا قايىق اۋدارىلىپ كەتىپ، سۋعا تۇنشىعىپ ولەدى.
اۆستريالىق حانس شتاينينگەر - الەمدەگى ۇزىن ساقال قويعانداردىڭ ءبىرى (شامامەن 1،4 مەتر). 1567 - جىلى حانس تۇرعان قالادا ءورت بولادى. وتتان قاشىپ ءجۇرىپ ول ساقالىنا شالىنىسىپ قۇلاپ، جاعىن سىندىرادى. وسى جاراقات ونىڭ تۇبىنە جەتەدى.
دەرەككوز: «ايقىن» گازەتى
