فۋتبولدان الەم چەمپيوناتى باستالايىن دەپ جاتقاندا قارۋلى ادام وق جاۋدىردى

تاڭعى ساعات 07:22-دە ورتالىقتاعى قۇرىلىس الاڭىندا بولعان وقيعادان كەيىن تاعى التى ادام، سونىڭ ىشىندە پوليتسيا قىزمەتكەرلەرى جاراقات الدى، قارۋلى ادام دا مەرت بولدى.

پرەمەر-مينيستر كريس حيپكينس بۇل شابۋىلدى لاڭكەستىك ارەكەت رەتىندە قاراستىرمايتىنىن ايتتى.

«تۋرنير جوسپارلانعانداي وتەدى» دەدى ول.

ونىڭ ايتۋىنشا، پوليتسيانىڭ قاۋىپ-قاتەردىڭ بەتىن قايتاردى، ءبارى تىنىش.

«شابۋىلدىڭ ساياسي نەمەسە يدەولوگيالىق سەبەبى جوق» دەدى پرەمەر-مينيستر.

قارۋلى ادام پومپالىق شولاق مىلتىقپەن قارۋلانعان.

حيپكينس مىرزا ەلدى قاتەردەن امان الىپ قالعان جاڭا زەلانديا پوليتسەيلەرىنە العىس ايتتى.

وكلەند مەرى ۋەين براۋننىڭ ايتۋىنشا، فيفا بۇكىل قىزمەتكەرلەرى مەن فۋتبول كوماندالارىنا ەشقانداي قاۋىپ جوق.

اشىلۋ ماتچى Eden Park ستاديونىندا جاڭا زەلانديا مەن نورۆەگيا اراسىندا وتەدى.

سپورت ءمينيسترى گرانت روبەرتسون بۇل ايماقتا قاۋىپسىزدىكتى قامتاماسىز ەتۋ ءۇشىن قوسىمشا پوليتسيا جۇمىس ىستەيتىنىن ايتتى.

ايەلدەر اراسىنداعى توعىزىنشى الەم چەمپيوناتىن جاڭا زەلانديا مەن اۆستراليا بىرلەسىپ وتكىزىپ جاتىر.

بۇعان دەيىن قالا باسشىسى تۇرعىندارعا ۇيدە قالىپ، قالاعا شىقپاۋ كەرەكتىگىن ەسكەرتكەن.

پوليتسيانىڭ حابارلاۋىنشا، بىرەۋ حابارلاسىپ، قۇرىلىس الاڭىندا بەيمالىم ادامنىڭ قارۋدان وق اتىپ جاتقانىن ەستىگەنىن جەتكىزەدى. قارۋلى ادام عيمارات ارقىلى ءوتىپ، وق اتۋدى جالعاستىرعان.

سودان كەيىن ول ليفت شاحتاسىنا كىرىپ كەتتى. پوليتسيا ونىمەن تىلدەسىپ، بايلانىس ورناتۋعا تىرىستى. ءبىراق ول ەشكىمدى تىڭداماي تاعى وق جاۋدىردى جانە كوپ ۇزاماي ءوزى دە مەرت بولدى.

اتىستان كەيىن جاعالاۋ مەن ورتالىق ىسكەرلىك اۋدانعا قارۋلى پوليتسيا مولىنان جينالدى.

ا ق ش ۇلتتىق ايەلدەر فۋتبول ليگاسىنىڭ باس سپورت ديرەكتورى تاتيانا حاەنني اتىس بولعان جەرگە جاقىن جەردە تۇرادى.

ول BBC News-كە سوندا كەلگەن پوليتسيا كولىكتەرىنىڭ دىبىسىنان ويانعانىن جانە ولار وعان ۇيدە قالۋدى بۇيىرعانىن ايتتى.

«ازىرگە بىزدە ءبارى جاقسى، قاۋىپ جوق»، - دەدى ول.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى