جۇرەگىن اۋىستىرعان شىمكەنتتىكتىڭ جاعدايى قالىپتى
باسقارما باسشىسى ناۋقاستىڭ قازىرگى دەنساۋلىق جاعدايىن سۇراپ، تەزىرەك جازىلىپ، وتباسىنا ورالۋىنا تىلەۋلەس ەكەنىن جەتكىزدى. سونداي- اق، قالانىڭ باس دارىگەرى پاتسيەنتكە جاسالعان ترانسپلانتاتسيالىق وتانىڭ قالا مەديتسيناسىن دامۋىنداعى زور جەتىستىك ەكەنىن اتاپ ءوتتى.
ءبىزدىڭ جەرگىلىكتى كارديوحيرۋرگتەر ۇلتتىق عىلىمي كارديوحيرۋرگيالىق ورتالىعى ماماندارىمەن بىرلەسىپ، وتانى ءساتتى جاساپ شىقتى. وسى ورايدا، وتانى جاساعان بىلىكتى دارىگەرلەرگە العىسىمدى بىلدىرەمىن. قالا تۇرعىندارىنىڭ ساۋلىعىن جاقسارتىپ، ساپالى مەديتسينالىق كومەك كورسەتۋ ءۇشىن بارىنشا قىزمەت ەتەمىز، - دەدى باسقارما باسشىسى نۇرلىبەك اسىلبەكوۆ.
ايتا كەتەيىك، 5- شىلدە كۇنى شىمكەنت جۇرەك ورتالىعىندا 61 جاستاعى تۇرعىنعا جۇرەك ترانسپلانتاتسياسى جاسالدى. وتا كەزىندە كارديوحيرۋرگتەر پاتسيەنتكە 46 جاستاعى ەر ادامنىڭ جۇرەگىن ورناتىپ بەردى. دونورلىق جۇرەكتى قايتىس بولعان ەر كىسىنىڭ تۋعان- تۋىستارى پايدالانۋعا رۇقسات بەرگەن. كۇردەلى وپەراتسيادان كەيىن توعىزىنشى كۇنى دارىگەرلەر ناۋقاستىڭ جۇرەك تامىرىنا ستەند ورناتىپ بەردى. بۇگىندە پاتسيەنتتىڭ جاعدايى جاقسى. جۇرەگىن الماستىرعان ناۋقاس مەديتسينا ماماندارىنىڭ باقىلاۋىندا بولادى.
