بۋراباي اۋاسى وتە جوعارى دەڭگەيدە لاستانعان وڭىرلەر تىزىمىنە كىردى

«2023 -جىلعى 2-توقساندا 69 ەلدى مەكەننىڭ ىشىنەن 18 ەلدى مەكەن اتموسفەرالىق اۋانىڭ تومەن لاستانۋ دەڭگەيىنە، 23 ەلدى مەكەن كوتەرىڭكى لاستانۋ دەڭگەيىنە، 23 ەلدى مەكەن جوعارى لاستانۋ دەڭگەيىنە، 5 ەلدى مەكەن وتە جوعارى لاستانۋ دەڭگەيىنە جاتقىزىلدى»، - دەپ جازىلعان اقپارات بيۋللەتەنىندە.

ناقتىراق ايتساق، لاستانۋدىڭ وتە جوعارى دەڭگەيى قاراعاندى، الماتى، استانا، اباي قالالارى مەن بۋراباي كەنتىندە تىركەلگەن.

ال. لاستانۋدىڭ جوعارى دەڭگەيىنە 23 ەلدى مەكەن: وسكەمەن، اقتوبە، شىمكەنت، ورال، تاراز، تالدىقورعان، پەتروپاۆل، تەمىرتاۋ، جەزقازعان، اقتاۋ، قاندىاعاش، حرومتاۋ، ساتبايەۆ، رۋدنىي، ارقالىق، قۇلسارى، ليساكوۆسك، تۇركىستان، تالعار، قالالارى، ماقات، يندەربور كەنتتەرى، كەڭكياق، جاڭباي اۋىلدارى جاتقىزىلىپ وتىر.

كوتەرىڭكى دەڭگەيدەگى لاستانۋ اتىراۋ، بالقاش، سەمەي، پاۆلودار، ريددەر، اياگوز، اقساي، كوكشەتاۋ، ستەپنوگورسك، جاڭاتاس، جاركەنت، قوستاناي، ءجىتىقارا، ساران، شەمونايحا، جاڭاوزەن قالالارى مەن سازتوبە، ءاۋازوۆ، قارابالىق، شۇبارشى كەنتتەرىندە، بەينەۋ، قىزىلساي، گانيۋشكينو اۋىلدارىندا تىركەلگەن. لاس تانۋدىڭ تومەن دەڭگەيى اتباسار، شۋچينسك، التاي، اقسۋ، شۋ، كەنتاۋ، قاراتاۋ، قىزىلوردا، ارال، ەكىباستۇز قالالارىندا، گلۋبوكوە، اقسۋ، تورەتام، ايتەكە بي كەنتتەرىندە، قورداي، ءبورلى، اقاي، شيەلى اۋىلدارىندا بايقالعان.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى