جەتىسۋ وبلىسىندا جۇك كولىكتەرىن توناعان قىلمىستىق توپ ۇستالدى
ۇيىمداسقان قىلمىسقا قارسى كۇرەس باسقارماسى جەتىسۋ وبلىسى پروكۋراتۋراسىنىڭ ۇيلەستىرۋىمەن جەتىسۋ ءوڭىرى ارقىلى الماتى - وسكەمەن تاس جولىنىڭ بويىمەن ترانزيتپەن كەتىپ بارا جاتقان اۋىر جۇك كولىكتەرىنەن مۇلىكتى ۇرلاۋمەن اينالىسقان قىلمىسكەرلەردى انىقتاۋ بويىنشا جەدەل- ىزدەستىرۋ ءىس- شارالارىن جۇرگىزدى. 10-شىلدەدە ۇزاق جانە ۇيلەسىمدى جۇمىستىڭ ناتيجەسىندە التى ادامنان تۇراتىن توپ ۇستالدى. ولار جۇيەلى تۇردە اسا دورەكىلىكپەن ءىرى پارتيالى جۇك كولىكتەردەن ءتۇرلى تاۋارلاردى ۇرلاعان. بۇل توپتىڭ جۇمىسى ۇرلانعان مۇلىكتى ساتۋعا دەيىن جاقسى ۇيىمداستىرىلعان.
«قىلمىسكەرلەردىڭ ءبىر سحەما بويىنشا ارەكەت ەتكەنى انىقتالدى: ولار تۇندە تاس جولعا شىعىپ، فۋرانىڭ ارتىندا ءجۇرىپ كەلە جاتىپ، تراسسادا جۇك كولىگى جىلدامدىعىن باسەڭدەتەتىن جانە تەڭسەلمەي جۇرەتىن جەرلەردى تاڭداماق بولعان. ءوز كولىكتەرىنىڭ شامدارىن الدىن الا ءسوندىرىپ، كولىكتىڭ شاعىلىستىراتىن ەلەمەنتتەرىن جاپسىرىپ قويۋعا تىرىسقان. قاراقشىلار اۋىر جۇككە جاقىنداپ، ونىمەن ءتۇيىسۋ كەزىندە ىلگەگى بار ارنايى جاسالعان باسپالداقتىڭ كومەگىمەن جۇك كولىگىنىڭ توبەسىنە كوتەرىلگەن. ەكەۋى جۇك كولىگىنىڭ توبەسىنە شىعىپ، تەنتتىڭ جوعارعى بولىگىن كەسىپ، بىرەۋى فۋرانىڭ ىشىنە كىرىپ، ەكىنشىسىنە تاۋاردى بەرىپ وتىردى. ونىڭ بارلىعى جول جيەگىنە لاقتىرىلعان. ءبىراز ۋاقىتتان كەيىن، سىبايلاستارى گازەل اۆتوكولىگىمەن تاۋارلاردى جيناۋعا كىرىسكەن. ۇرلانعان زاتتاردى ساتۋعا الماتى قالاسىنداعى تانىستارى كومەكتەسكەن. قازىرگى ۋاقىتتا بىرنەشە ادامنىڭ بۇل قىلمىسقا قاتىسى بار- جوعى تەكسەرىلىپ جاتىر»، - دەدى جەتىسۋ وبلىسى پ د باستىعىنىڭ ورىنباسارى ابدىكەنوۆ.
ولاردى ۇستاۋ كەزىندە جەتىسۋ، الماتى وبلىسىنىڭ جانە الماتى قالاسىنىڭ اۋماعىندا 30 دان استام ءتىنتۋ ءىس- شاراسى وتكىزىلدى.
سوتقا دەيىنگى تەرگەپ- تەكسەرۋ ق ر ق ك- ءنىڭ 188-بابى 4-بولىگى (قىلمىستىق توپ جاساعان ۇرلىق) بويىنشا جۇرگىزىلىپ جاتىر.
قازىر كۇدىكتىلەر قاماۋعا الىندى. پوليتسەيلەر باسقا زارداپ شەككەن ادامداردى انىقتاۋ جانە ۇستالعانداردىڭ ۇقساس قىلمىستارعا قاتىسى بار- جوعىن تەكسەرۋ جۇمىستارىن جالعاستىرىپ جاتىر.
