ەلىمىزدە شاعىن جانە ورتا بايلانىس وپەراتورلارىن دامىتۋ ءۇشىن قانداي شارالار قابىلداندى
«شاعىن جانە ورتا بايلانىس وپەراتورلارىن دامىتۋ ءۇشىن مىناداي شارالار قابىلداندى: «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن- ءوزى باسقارۋ تۋرالى» زاڭ اياسىندا جەرگىلىكتى اتقارۋشى ورگاندارعا بايلانىس جەلىلەرىن قۇرۋدى جانە پايدالانۋدى ۇيىمداستىرۋ مۇمكىندىگى ۇسىنىلدى. «بايلانىس تۋرالى» زاڭ اۋقىمىندا ەلەكتر بەرۋدىڭ اۋە جەلىلەرى ارقىلى تالشىقتى- وپتيكالىق بايلانىس جەلىلەرىن جۇرگىزۋ مۇمكىندىگى كوزدەلگەن. ەلەكتر بەرۋدىڭ اۋە جەلىلەرى ارقىلى تالشىقتى- وپتيكالىق بايلانىس جەلىلەرىن جۇرگىزۋ جونىندەگى تەحنيكالىق سيپاتتامالار بولىگىندە ەلەكتر قوندىرعىلارىن ورناتۋ قاعيدالارى وزەكتىلەندىرىلدى. بايلانىس جەلىلەرىن توسەۋ ءۇشىن كابىلدىك كارىزگە اشىق قولجەتىمدىلىكتى قامتاماسىز ەتۋ بولىگىندە كابىلدىك كارىزدى پايدالانۋعا بەرۋ قاعيدالارى وزەكتىلەندىرىلدى»، - دەپ اتاپ وتەدى ۇكىمەت باسشىسى جاۋابىندا.
سونىمەن قاتار ءاليحان سمايىلوۆ وسى جىلدىڭ باسىنان بەرى وبلىستار مەن رەسپۋبليكالىق ماڭىزى بار قالالاردىڭ اكىمدىكتەرى شاعىن جانە ورتا بايلانىس وپەراتورلارىمەن تۇرعىنداردىڭ ينتەرنەت جەلىسىنە قولجەتىمدىلىگىن قامتاماسىز ەتۋ بويىنشا مەموراندۋمدار جاساسىپ، جول كارتالارىنا قول قويىلعانىن اتاپ وتەدى.
«قابىلدانعان شارالار شاعىن بايلانىس وپەراتورلارىن جانە ينفراقۇرىلىمدى دامىتۋعا، سونداي- اق جەرگىلىكتى اتقارۋشى ورگاندارمەن ءوزارا ءىس- قيمىلدى كۇشەيتۋگە باعىتتالعان»، - دەدى پرەمەر- مينيستر.
