ەلىمىزدەگى ۇيالى بايلانىس نارىعى باسەكەگە قابىلەتتى
«بۇگىنگى كۇنى ۇيالى بايلانىس نارىعىندا بەس ساۋدا بەلگىسىن يەلەنەتىن 3 وپەراتور بار. تالداۋ قورىتىندىسى بويىنشا ەلدى مەكەندەردى ۇيالى بايلانىس جانە ينتەرنەت جەلىسىنە قول جەتكىزۋ قىزمەتتەرىمەن قامتۋدا كورسەتىلگەن ۇيالى بايلانىس وپەراتورلارى اراسىندا تەڭگەرىمسىزدىك بايقالمايدى. بۇدان باسقا، راديوجيىلىك سپەكترىن ءتيىمدى ءبولۋ ماقساتىندا حالىقارالىق ەلەكتر بايلانىسى وداعىنىڭ ۇسىنىمدارىنا سايكەس وسى جىلدىڭ مامىر ايىندا قازاقستان رەسپۋبليكاسىنىڭ راديوقىزمەتتەرى اراسىندا بارلىق ماقساتتاعى راديوەلەكتروندىق قۇرالدارعا ارنالعان 3 كگتس- تەن 400 گ گ ت س- كە دەيىنگى جيىلىكتەر اۋقىمىندا جيىلىكتەر بەلدەۋىن ءبولۋ كەستەسى قايتا قارالدى»، - دەپ اتاپ وتەدى ۇكىمەت باسشىسى جاۋابىندا.
ونىڭ دەرەگىنشە، 2022 -جىلدىڭ جەلتوقسانىندا 3600-3800 م گ ت س دياپازونىنداعى ەكى لوت بويىنشا جيىلىك دياپازوندارىن تاعايىنداۋ بويىنشا العاش رەت اۋكتسيوندار وتكىزىلدى.
«الەمدەگى حالىق تىعىزدىعىنىڭ كورسەتكىشتەرى تومەن ەلدەردىڭ بىرىنە جاتاتىنا قاراماستان، قازاقستان بىرىككەن ۇلتتار ۇيىمىنىڭ «تەلەكوممۋنيكاتسيالىق ينفراقۇرىلىم» يندەكسى شەڭبەرىندە 65- ورىندا. وسىلايشا، اعىمداعى جاعدايدى ەسكەرسەك، ەلدەگى ۇيالى بايلانىس نارىعى باسەكەگە قابىلەتتى»، - دەدى ءاليحان سمايىلوۆ.
