قازاقستان ءسۇت ونىمدەرىن مولىنان وندىرسە دە، يمپورتتىڭ كولەمى ازايماي وتىر

«قازاقستاندا ءسۇت ونىمدەرىنىڭ يمپورتى كەيىنگى 5 جىل بويى جوعارى دەڭگەيدە قالىپ وتىر. 2022 -جىلى ىشكى نارىقتا 1 ميلليون توننادان اساتىن ءسۇت ءونىمى ساتىلعان بولسا، سونىڭ %15,4 نەمەسە 163,1 مىڭ تونناسى يمپورت بولعان. شىن مانىندە يمپورتتىڭ ۇلەسى بۇدان دا كوپ بولۋى مۇمكىن. ويتكەنى made in Kazakhstan بەلگىسىمەن دۇكەن سورەلەرىندە تۇرعان كوپ ءونىمنىڭ شيكىزاتى سىرتتان الىنادى»، - دەپ جازىلعان ساراپتامادا.

Energyprom.kz جازۋىنشا، مۇنداي تەندەنتسيا كەيىنگى بەس جىلدان بەرى وزگەرمەگەن.

«2017 -جىلى ءسۇت نارىعىنداعى يمپورتتىڭ ۇلەسى -%16، 2018-2019 -جىلدارى - %14,5 بولسا، 2020 -جىلى قايتا %16 عا جەتكەن. وسىلايشا تۇبەگەيلى وزگەرىس بايقالعان جوق»، - دەپ جازادى رەسۋرس.

ساراپتامادا ءسۇتتى جانە ارالاس تۇقىمدى ءىرى قارا پالاتاسىنىڭ ساراپشىلارى ايتقان پايىم دا بەرىلگەن.

پالاتا وكىلدەرى قازاقستانعا ءسۇت يمپورتىن شەكتەۋ كەرەكتىگىن ايتىپ وتىر.

«اسىرەسە رەسەيمەن شەكتەسەتىن وڭىرلەردە كورشى ەلدىڭ ءسۇت ونىمدەرىنىڭ ۇلەسى باسىم، باعاسى دا جەرگىلىكتى باعادان تومەن»، - دەپ جازادى Energyprom.kz.

ۇقساس

ەلىمىزدە وقۋلىقتاردى دايىنداۋ جانە باقىلاۋ ءتارتىبى جاڭارتىلدى