پولشادا مىسىقتاردان قۇس تۇماۋى انىقتالدى
مىسىقتاردىڭ ۆيرۋستى قايدان جۇقتىرعانى بەلگىسىز، ال ەپيزووتولوگيالىق تەرگەۋ جالعاسىپ جاتىر. مىسىقتارمەن بايلانىستا بولعان بىردە- ءبىر ادام ۆيرۋس جۇقتىرماعان، دەپ حابارلايدى قازاقپارات «نوۆوستي وون» - عا سىلتەمە جاساپ.
27- ماۋسىمدا پولشا بيلىگى د د س ۇ- ن ەلدە مىسىقتار قۇس تۇماۋىنان ءولىپ جاتقانىنان حاباردار ەتتى. 11- شىلدەگە دەيىن 46 مىسىق پەن ەركىندىكتە جۇرگەن ءبىر قاراقالدان الىنعان تالداۋ زەرتتەلىپ، 29 ى ا تۇماۋىن (H5N1) جۇقتىرعانى انىقتالدى.
مىسىقتاردىڭ ا ۆيرۋسىن (H5N1) جۇقتىرعانى بۇرىن دا حابارلانعان، ءبىراق ءبىر ەلدىڭ اۋماعىندا ينفەكتسيا جۇقتىرعان مىسىقتاردىڭ وسىنداي كوپ بولۋى العاشقى جاعداي.
14 مىسىققا ەۆتانازيا جاسالدى، تاعى 11 ءى قايتىس بولدى، كەيىنگى ءولىم 30- ماۋسىمدا تىركەلدى. 12- شىلدەدەگى جاعداي بويىنشا، A(H5N1) ۆيرۋسىن جۇقتىرعان مىسىقتارمەن بايلانىستا بولعان بىردە- ءبىر ادام قانداي دا ءبىر بەلگىلەردىڭ بار ەكەنى تۋرالى حابارلامادى.
ينفەكسيا جۇقتىرعان مىسىقتارمەن بايلانىسقان جالپى تۇرعىنداردىڭ ونى جۇقتىرىپ الۋ قاۋپى تومەن، ال جەكە قورعانىس قۇرالدارىن پايدالانبايتىن مىسىق يەلەرى مەن ۆەتەرينارلاردا تومەننەن ءبىرقالىپتىعا دەيىن.
ينفەكسيانىڭ قايدان جۇققانىنا قاتىستى بىرنەشە نۇسقا بار. ونىڭ ىشىندە مىسىقتاردىڭ ۆيرۋس جۇقتىرعان قۇستار نەمەسە ولاردىڭ اينالاسىمەن تىكەلەي نەمەسە جاناما بايلانىسىن، ينفەكتسيا جۇققان قۇستى نەمەسە تاعامدى جەۋى مۇمكىن ەكەنىن اتاپ وتۋگە بولادى.
25 مىسىق تۋرالى اقپارات بار. ەكەۋى - كوشە مىسىعى بولعان، 18 ءى بالكونعا شىعۋ مۇمكىندىگى بار ءۇي مىسىعى، ال بەسەۋى - قورشاعان ورتامەن بايلانىسى جوق ءۇي جانۋارى ەدى. جەتى مىسىقتىڭ عانا جابايى قۇستارمەن بايلانىسۋ مۇمكىندىگى بولدى.
قۇس تۇماۋى ۆيرۋسى، ادەتتە، قۇستار اراسىندا تارايدى. ءبىراق H5N1 قۇس تۇماۋىنىڭ بيولوگيالىق تۇرعىدا ادامعا جاقىن سۇتقورەكتىلەرگە جۇعىپ جاتقانىنا ساراپشىلار الاڭداپ وتىر. بۇل جاعداي ۆيرۋس ادامعا جۇعۋعا بەيىمدەلۋى مۇمكىن ەكەنىن بىلدىرەدى.
سونداي- اق سۇتقورەكتىلەر جۇقتىرعان جاعدايدا ادام مەن جانۋار ءۇشىن قاۋىپتى جاڭا ۆيرۋستار پايدا بولۋى مۇمكىن. ب ۇ ۇ- نىڭ ءبىرقاتار مەكەمەلەرى، ونىڭ ىشىندە د د س ۇ وتكەن اپتادا قازىرگى قۇس تۇماۋىنىڭ تارالۋىمەن كۇرەسۋ شارالارىن بەكىتۋگە شاقىردى.
2022 -جىلدان ءۇش قۇرلىقتاعى ون ەل سۇتقورەكتىلەر اراسىندا A(H5N1) تاراپ جاتقانىن حابارلادى. مۇنداي جاعداي باسقا ەلدەردە بولۋى مۇمكىن، ءبىراق تىركەلمەگەن. A(H5N1) ۆيرۋسىنان جەردەگى سۇتقورەكتىلەرمەن قاتار، يسپانيادا قاراكۇزەن فەرمالارىندا، ا ق ش- تاعى يتبالىق جانە پەرۋ مەن چيليدەگى فەرمالاردا وسەتىن تەڭىز سۇتقورەكتىلەرى دە زارداپ شەگىپ وتىر.
اۆتور:
زارينا تۋعانبايەۆا
